മാനവ വികസന സൂചികയിൽ ഒമാന് ശ്രദ്ധേയമായ നേട്ടമെന്ന് ഐക്യരാഷ്ട്ര സംഘടനയുടെ റിപ്പോർട്ട്

ഒമാൻ:ഐക്യരാഷ്ട്ര സംഘടനയുടെ ഡെവലപ്മെന്റ് പ്രോഗ്രാം പുറത്തിറക്കിയ റിപ്പോർട്ട് അനുസരിച്ച് മാനവ വികസന സൂചികയിൽ ഒമാന് ശ്രദ്ധേയമായ നേട്ടം. കഴിഞ്ഞ വർഷത്തെക്കാൾ ഒരു പോയിന്‍റ് ഉയർന്ന് ഈ വർഷം നാല്പത്തിയേഴാം റാങ്കിലെത്തി.ലോകത്തിലെ 189 രാജ്യങ്ങളിൽ നിന്നാണ് ഒമാൻ ഈ റാങ്കിലെത്തിയത്.അറബ് മേഖലയിൽ അഞ്ചാം സ്ഥാനമാണ് ഒമാന്.ഐക്യരാഷ്ട്ര സംഘടനയുടെ ഉന്നത മാനവ വികസനമുള്ള രാജ്യങ്ങളുടെ പട്ടികയിലാണ് ഒമാൻ ഇടം പിടിച്ചത്.മാനവ വികസനത്തിന്‍റെ എല്ലാ മേഖലകളിലും ഒമാൻ പുരോഗതി നേടുന്നുവെന്നാണ് ഐക്യരാഷ്ട്ര സംഘടനയുടെ പഠനം വ്യക്തമാക്കുന്നത്.രാജ്യത്തെ മൂന്ന് മേഖലകളെ പരിഗണിച്ചാണ് ഐക്യരാഷ്ട്ര സഭ റിപ്പോർട്ട് തയ്യാറാക്കിയത്.ദൈർഘ്യമുള്ളതും ആരോഗ്യമുള്ളതുമായ ജീവിതം,വിജ്ഞാന സമ്പാദനം, മതിയായ ജീവിത നിലവാരം എന്നീ മൂന്ന് ഘടകങ്ങൾ പരിഗണിച്ചാണ് മാനവ വികസന പട്ടിക രാജ്യങ്ങളുടെ മികവ് വിലയിരുത്തുനന്ത്.ജീവിത നിലവാര പട്ടികയിലും ഉയർന്ന് തന്നെയാണ് ഒമാന്‍റെ സ്ഥാനം.

29 January 2025