യു.എ.ഇയിൽ പ്രധാന പാതകളുടെ നവീകരണം ഉറപ്പാക്കുന്നു

യുഎഇ:പ്രധാന പാതകളുടെ നവീകരണം ഉറപ്പാക്കാനുള്ള യു.എ.ഇ തീരുമാനം ദുബായ്-ഷാർജ റൂട്ടിലെ ഗതാഗതത്തിരക്ക് കുറക്കും.100 കോടി ദിർഹത്തിന്റെ വൻ വികസന പദ്ധതികളാണ് ആവിഷ്കരിച്ചിരിക്കുന്നത്.ഇതിൽ 78 കോടി ദിർഹം ദുബായ്,ഷാർജ എമിറേറ്റുകളെ ബന്ധിപ്പിക്കുന്ന പ്രധാന റോഡുകളുടെ നവീകരണം ലക്ഷ്യം വെച്ചാണ്.അൽ ഇത്തിഹാദ്,മുഹമ്മദ് ബിൻ സായിദ്,എമിറേറ്റ്സ് എന്നീ ഹൈവേകളാണ് കൂടുതൽ സംവിധാനങ്ങളോടെ വികസിപ്പിക്കാൻ തീരുമാനിച്ചിരിക്കുന്നത്. അടുത്തമാസം നിർമാണ ജോലികൾ ആരംഭിക്കും.വിവിധ പാതകൾക്കായി 338 കോടി ദിർഹമിൻെറ പദ്ധതികളാണു നടപ്പാക്കുക.അൽ ഇത്തിഹാദ് റോഡ്-വികസനത്തിന് 23 കോടിയും എമിറേറ്റ്സ് റോഡിന് 20 കോടിയും മുഹമ്മദ് ബിൻ സായിദ് റോഡിന്‌ 13 കോടിയും അൽ ദൈദ് റോഡിന് 22 കോടിയുമാണ് വകയിരുത്തിയ തുക.ഇതിൻെറ ഉപപാതകൾക്കായി തുക വേറെയും അനുവദിച്ചിട്ടുണ്ട്.ഇത്തിഹാദ് സ്ട്രീറ്റ് ഒന്നാം ഘട്ടം അടുത്ത വർഷം പകുതിയോടെ പൂർത്തിയാക്കാനാണ് ലക്ഷ്യമിടുന്നത്.ശൈഖ് സായിദ് ഇന്റർസെക്ഷനെയും അജ്മാൻ പള്ളിയെയും ബന്ധിപ്പിക്കുന്ന പാത കൂടിയാണിത്.ഏതാണ്ട് അഞ്ചു കോടി ദിർഹമാണ് ചെലവ് കണക്കാക്കുന്നത്.വിദ്യാഭ്യാസം,സുരക്ഷ,ആരോഗ്യം,അടിസ്ഥാന സൗകര്യ വികസനം തുടങ്ങിയ മേഖലകളിൽ 36 പദ്ധതികൾ കൂടി നടപ്പാക്കാൻ യു.എ.ഇ തീരുമാനിച്ചിട്ടുണ്ട്.

23 April 2024