ഒമാനിൽ പുതിയ തൊഴിൽ വിസകളുടെ എണ്ണം കുറഞ്ഞു

മസ്കറ്റ്:ഒമാനിൽ കഴിഞ്ഞ വർഷം പുതുതായി അനുവദിച്ചത് 2.95 ലക്ഷം തൊഴിൽ വിസകളായിരുന്നു.മുമ്പുള്ള രണ്ടു വർഷങ്ങളെ അപേക്ഷിച്ച് നോക്കുമ്പോൾ പുതിയ തൊഴിൽ വിസകളുടെ എണ്ണത്തിൽ കാര്യമായ കുറവാണു ഉണ്ടായതെന്ന് ദേശിയ സ്ഥിതിവിവര കേന്ദ്രത്തിന്റെ റിപ്പോർട്ട് പറയുന്നു.അതേസമയം,തൊഴിൽ വിസകളുടെ എണ്ണം കുറഞ്ഞപ്പോൾ വിസിറ്റിങ്,ടൂറിസ്റ് വിസകളുടെ എണ്ണം കാര്യമായി വർധിച്ചതായും റിപ്പോർട്ടിൽ കാണിക്കുന്നു.8.04 ലക്ഷം വിസിറ്റിങ് വിസകളാണ് കഴിഞ്ഞ വർഷം ഒമാനിൽ അനുവദിച്ചത്.2016ൽ ഇത് 4.19 ലക്ഷവും 2017ൽ 4.55 ലക്ഷവുമായിരുന്നു.ടൂറിസ്റ് വിസകളുടെ എണ്ണത്തിലും ഇരട്ടിയോളം വർധനയുണ്ട്.2017 ൽ 2.81 ലക്ഷം തൊഴിവിസകൾ റദ്ദാക്കിയപ്പോൾ കഴിഞ്ഞ വർഷം അത് 2.78 ലക്ഷമായി കുറഞ്ഞു.വിവിധ തസ്തികകളിൽ വിദേശികളെ ജോലിക്കെടുക്കുന്നതിനു ഏർപ്പെടുത്തിയ വിസാവിലക്ക് അടക്കമുള്ള നിയന്ത്രണങ്ങളാണ് പുതിയ തൊഴിൽ വിസകളുടെ എണ്ണക്കുറവിൽ പ്രതിഫലിക്കുന്നതെന്ന് ചൂടിക്കാണിക്കപ്പെടുന്നുണ്ട്.
വിസാ നടപടിക്രമങ്ങൾ ക്രമീകരിക്കാൻ ടൂറിസം മന്ത്രാലയവും റോയൽ ഒമാൻ പോലീസും ചേർന്ന് കൈകൊണ്ട നടപടികളാണ് ടൂറിസ്റ്റു വിസയുടെ എണ്ണത്തിലെ വർധനയ്ക്ക് കാരണം.നേരത്തെ ടൂറിസ്റ് വിസയ്ക്ക് ഹോട്ടൽ ബുക്കിംഗ് നിർബന്ധമായിരുന്നു.ഇ-വിസ സമ്പ്രദായം നടപ്പാക്കിയതിനൊപ്പം ഈ നിബന്ധന എടുത്തുകളഞ്ഞതും സഞ്ചാരികളുടെ ഒഴുക്കിനു കാരണമായി.റിലേറ്റീവ് ജോയ്‌നിങ് വിസകളുടെ എണ്ണവും 2018ൽ മുൻ വർഷത്തേക്കാൾ കൂടിയിട്ടുണ്ട്.

27 July 2024