യുഎയിൽ ഇനി വാട്സാപ്പ് കോൾ നിയന്ത്രണം മാറ്റുന്നു

ദുബായ്:യുഎയിൽ വാട്സാപ്പ് കോൾ നിയന്ത്രണം എടുത്തുകളയാൻ സാധ്യത.മറ്റു രാജ്യങ്ങളിലെല്ലാം വാട്‌സാപ്പിന്റെ വോയ്‌സ്കോൾ സംവിധാനം ലഭ്യമാണ്.എന്നാൽ യു.എ.ഇ.യിൽ മെസേജ് ചെയ്യാൻ മാത്രമാണ് നിലവിൽ വാട്‌സാപ്പ് ലഭിക്കുന്നത്.ഇതിന് യു.എ.ഇ. ടെലികോം റെഗുലേറ്ററി അതോറിറ്റി നിയന്ത്രണം ഏർപ്പെടുത്തിയിട്ടുണ്ട്.ഈ നിയന്ത്രണം എടുത്തുകളയാനാണ് ഇപ്പോൾ ആലോചിക്കുന്നതെന്ന് അതോറിറ്റി അറിയിച്ചു.വാട്‌സാപ്പ് കോളുകൾക്ക് നിയന്ത്രണം ഏർപ്പെടുത്തിയിരുന്നുവെങ്കിലും യു.എ.ഇ.ലൈസൻസുള്ള വോയിസ് ആപ്പ് കോളുകൾക്ക് അംഗീകാരം നൽകിയിരുന്നു.നിലവിൽ വിദേശികൾക്ക് അവരുടെ മാതൃരാജ്യത്തേക്ക് വിളിക്കുന്നതിനായി ബോട്ടീം ഉൾപ്പെടെയുള്ള നിരവധി അംഗീകാരമുള്ള വോയിസ് ആപ്പുകൾ ലഭ്യമാണ്.അത്തരം സൗകര്യങ്ങൾ നിലനിൽക്കേ തന്നെയാണ് വാട്സാപ്പ് കോളുകൾ കൂടി അനുവദിക്കാനായി ഒരുങ്ങുന്നത്.

21 May 2025