പ്രവാസികൾക്ക് ഗുണമായികൊണ്ട് വിനിമയ നിരക്കിൽ വർദ്ധനവ്

ദോഹ:ഇന്ത്യൻ രൂപയുമായുള്ള ഖത്തരി റിയാലിന്റെ വിനിമയ നിരക്കിൽ വീണ്ടും നേരിയ വർദ്ധനവ്.ബുധനാഴ്ച 19 രൂപ 41 പൈസയായിരുന്നു വിനിമയ നിരക്ക്.ഇന്നലെ വിപണി അവസാനിക്കുമ്പോൾ ഒരു ഖത്തരി റിയാലിന് ഇന്ത്യൻ രൂപയുമായുള്ള വിനിമയ നിരക്ക് 19 രൂപ 41 പൈസയായിരുന്നു.യുഎസ് ഡോളറുമായുള്ള ഇന്ത്യൻ രൂപയുടെ വിനിമയ നിരക്കിലെ വ്യതിയാനമാണു റിയാലുമായുള്ള വിനിമയ മൂല്യം ഉയരാൻ കാരണമായത്.വെള്ളിയാഴ്ച വിപണി അവസാനിക്കുമ്പോൾ വിനിമയ നിരക്ക് 19 രൂപ 41 പൈസ എത്തി നിൽക്കുന്നതിനാൽ തിങ്കളാഴ്ച വരെ നിരക്കിൽ മാറ്റമുണ്ടാകില്ല.ശനി,ഞായർ ദിവസങ്ങളിൽ നാട്ടിലേക്കു പണം അയക്കുന്നവർക്ക് 19.40-19.41 നിരക്ക് ലഭിക്കുന്നതായിരിക്കും.മാസാദ്യത്തിൽ ഒട്ടുമിക്ക പ്രവാസികൾക്കും വേതനം ലഭിച്ച സമയമാണെന്നതിനാൽ വിനിമയ മൂല്യത്തിലെ വർധന നാട്ടിലേക്ക് കൂടുതൽ പണം അയക്കാനും പ്രവാസികൾക്കു കഴിയുന്നുണ്ട്.കഴിഞ്ഞ ദിവസങ്ങളിലായി എക്‌സ്‌ചേഞ്ചുകളിൽ നാട്ടിലേക്കു പണം അയക്കാൻ എത്തുന്നവരുടെ തിരക്ക് വർധിച്ചിട്ടുണ്ട്.

22 October 2024