ലേബർ ക്യാമ്പുകൾക്ക് പുതിയ വ്യവസ്ഥകൾ ഏർപ്പെടുത്തുന്നു

മസ്കത്ത്:തലസ്ഥാന ഗവർണ​റേ​റ്റി​ലെ ലേബർ ക്യാമ്പുകൾക്ക് പുതിയ വ്യവസ്ഥകൾ ഏർപ്പെടുത്തി നഗരസഭ.ന​ഗ​ര​സ​ഭ​യു​ടെ പു​തി​യ നി​ർ​ദേ​ശ​പ്ര​കാ​രം അ​ഞ്ഞൂ​റും അ​തി​നു​ മു​ക​ളി​ലും ആ​ളു​ക​ൾ താ​മ​സി​ക്കു​ന്ന ക്യാമ്പുകളിൽ റെസിഡന്റ് ഫിസിഷ്യനെ നിയമിക്കുകയും മെഡിക്കൽ ക്ലിനിക് ഉണ്ടായിരിക്കുകയും വേണം എന്ന നിബന്ധനയുണ്ട്.മികച്ച ആരോഗ്യ സുരക്ഷാ ഉറപ്പ് വരുത്തുന്നതിന് ഡോക്ടറുടെ സേവനം,സൗകര്യങ്ങളോടുകൂടിയ ക്വാ​ർ​ട്ടേഴ്സ്,നല്ല ക്യാൻടീൻ,വൃത്തിയുള്ള ശുചി മുറികൾ എന്നിവ ഉണ്ടായിരിക്കണമെന്നും വ്യവസ്ഥയിൽ പറയുന്നു.ക്യാമ്പിലെ താമസക്കാരുടെ എണ്ണം നൂറിനും അഞ്ഞൂറിനും മുകളിലാണെങ്കിൽ യോഗ്യതയുള്ള നഴ്‌സുമാരുടെ ചുമതലയിലുള്ള ഫസ്റ്റ് ഐഡ് സെന്റർ ഉണ്ടായിരിക്കണം.പ്രഥമ സുസ്രൂഷയിൽ പരിചയ സമ്പന്നതയുള്ള മെഡിക്കൽ ഉപകരണങ്ങൾ കൈകാര്യം ചെയ്യാൻ അറിയുന്ന രണ്ട് ജീവനക്കാരും ഉണ്ടായിരിക്കണം.കുറഞ്ഞ വേതനക്കാരായ വിദേശ തൊ​ഴി​ലാ​ളി​ക​ളു​ടെ ജീവിത സാഹചര്യങ്ങൾ മെച്ചപ്പെടുത്തുന്നതിനുള്ള നടപടികളുടെ ഭാഗമായാണ് പുതിയ വ്യവസ്ഥ.

21 November 2024