കുവൈറ്റിൽ നാടുകടത്തപ്പെട്ടവരിൽ 5,000 ഇന്ത്യക്കാരും

കുവൈറ്റ് സിറ്റി:ആഭ്യന്തര മന്ത്രാലയം പുറപ്പെടുവിച്ച സ്ഥിതി വിവരണ കണക്കനുസരിച്ച് കുവൈറ്റിൽ ഈ വർഷം സെപ്റ്റംമ്പർ 30 വരെയുള്ള കാലയളവിൽ 5000 ഇന്ത്യക്കാരെ നാടുകടത്തിയതായ് റിപ്പോർട്ട്.സ്ത്രീകളടക്കം 18,000 പേരെയാണ് വിവിധ കാരണങ്ങളാൽ ഈ കാലയളവിൽ തന്നെ നാടുകടത്തിയിരുന്നത്.നാടുകടത്തപ്പെട്ടവരുടെ എണ്ണത്തിൽ മുന്നിൽ ഇന്ത്യക്കാരാണ്.നിലവിൽ 50 പുരുഷന്മാരും എട്ടു സ്ത്രീകളുമാണു നാടുകടത്തൽ കേന്ദ്രത്തിൽ കഴിയുന്നത്‌.താമസ കുടിയേറ്റ നിയമലംഘനങ്ങൾ, പകർച്ചവ്യാധികൾ, ക്രിമിനൽ കേസുകൾ, ഗതാഗത നിയമലംഘനങ്ങൾ, മറ്റ് കേസുകൾ എന്നീ കാരണങ്ങളിലാണു ഭൂരിഭാഗം പേരെയും പുറത്താക്കിയത്‌.നാടുകടത്തൽ കേന്ദ്രങ്ങളിൽ എത്തുന്നവരെ മൂന്നു ദിവസത്തിനകം നാട്ടിലേക്ക്‌ അയയ്ക്കാനുള്ള സൗകര്യം നിലവിൽ ഉണ്ടെന്ന് ആഭ്യന്തരമന്ത്രാലയവൃത്തങ്ങൾ വ്യക്തമാക്കി.

25 April 2024