യു.എ.ഇ രാജകുടുംബത്തിന് ആനച്ചന്ദം പകരാൻ മലയാളിവീട്ടമ്മയുടെ നെറ്റിപ്പട്ടം

അബുദാബി:യു.എ.ഇയ്ക്ക് ആനച്ചന്ദം പകർന്ന് മലയാളി വീട്ടമ്മയുടെ നെറ്റിപ്പട്ടം.2 മീറ്റർ നീളവും 1മീറ്റർ വീതിയുമുള്ള നെറ്റിപ്പട്ടം ഒരാഴ്ചകൊണ്ടാണ് 62കാരിയായ പാലക്കാട് ആറങ്ങോട്ടുക്കര ഏഴുമങ്ങാട് സ്വദേശി ജയലക്ഷ്മി ഉണ്ടാക്കിയത്.യുഎഇ രാഷ്ട്രപിതാവിന്റെ ചിത്രവും ദേശിയ പതാകയുടെ വർണവും നൽകിയാണ് നെറ്റിപ്പട്ടം നിർമ്മിച്ചിരിക്കുന്നത്.ദേശിയ പതാകയുടെ വർണങ്ങളായ വെള്ള,കറുപ്പ്,പച്ച,എന്നീ നൂലുകൾ ഉപയോഗിച്ചാണ് വശങ്ങളും കുഞ്ചലവും അലങ്കരിച്ചിരിക്കുന്നത്.ചുവപ്പ് നിറത്തിന്റെ  അഭാവം ദേശിയ പതാക തന്നെ വച്ചാണ് പരിഹരിച്ചത്.

ഈ രാജ്യവും ഭരണാധികാരികളും മലയാളികൾക്ക് നൽകിയ പരിഗണയ്ക്ക് നൽകുന്ന സമ്മാനമാണിതെന്നും ഓഗസ്റ്റ് 6 നു താൻ തിരിച്ചുപോകുന്നതിനു മുൻപ് യുഎഇ രാജകുടുംബത്തിന് സമ്മാനിക്കാൻ സാധിക്കുമെന്നാണ് പ്രതീക്ഷയെന്നും ഇവർ മാധ്യമങ്ങളോട് പറഞ്ഞു.

20 April 2024