വാഹനങ്ങളിൽ കുട്ടികൾക്ക് പ്രത്യേക സീറ്റ് നിർബന്ധമാക്കി ഖത്തർ

ഖത്തർ:വാഹനങ്ങളിൽ ചൈൽഡ് കാർ സീറ്റുകൾ  നിർബന്ധമാക്കുകയാണ് ഖത്തർ.കുട്ടികളുടെ സുരക്ഷിതത്വം ഉറപ്പുവരുത്തുന്നതിന്റെ ഭാഗമായാണ് കാറുകളുൾപ്പെടെയുള്ള വാഹനങ്ങളിൽ കുട്ടികൾക്കായി പ്രത്യേക സീറ്റ് ഏർപ്പാടാക്കുന്നത്.പിൻസീറ്റ് യാത്രക്കാർക്ക് സീറ്റ് ബെൽറ്റ് നിർബന്ധമാക്കുന്ന നിയമവും ഇതോടൊപ്പം നിലവിൽ വരുമെന്നാണ് വിവരം.രണ്ട് വ്യവസ്ഥകളും കൂടി ഉൾപ്പെടുത്തിയായിരിക്കും നിയമനിർമാണമെന്നാണ് സൂചന.വാഹനാപകടത്തിൽ കുട്ടികൾക്ക് പരുക്കേൽക്കുന്ന സാഹചര്യം ഒഴിവാക്കാനാണ് പുതിയ നടപടി.എല്ലാ കുട്ടികളെയും പിൻസീറ്റിൽ ശരിയായി നിയന്ത്രിക്കണമെന്നും കുട്ടിയുടെ പ്രായത്തിനും വലുപ്പത്തിനും അനുയോജ്യമായ കാർ സീറ്റായിരിക്കണം വാഹനത്തിലുണ്ടാകേണ്ടതെന്നും നിയമത്തിൽ പറയുന്നുണ്ട്.സ്‌കൂൾ ബസുകളിലും കുട്ടികളുടെ സീറ്റുകൾ ശരിയായി നിയന്ത്രിക്കണം.പ്രതിവർഷം 20,000ലതികം കുഞ്ഞുങ്ങൾ രാജ്യത്ത് പിറന്നുവീഴുന്നതിനാൽ ഈ നിയമനിർമാണത്തിന് ഏറെ പ്രസക്തിയുണ്ട്.പുതിയ നിയമനിർമാണം നടപ്പിലാക്കുന്നതിനായി  പൊതുജനങ്ങളും തയ്യാറാക്കണം. 

21 November 2024