Mon , Oct 25 , 2021

തണലിന്റെ സൗത്ത് സോൺ കമ്മിറ്റി നിലവിൽ വന്നു | കെ.പി.എ സ്നേഹസ്പർശം രക്തദാനക്യാമ്പ് സംഘടിപ്പിച്ചു | പൊന്നാനി കൾച്ചറൽ വേൾഡ് ഫൗണ്ടേഷൻ ബഹ്‌റൈൻ കമ്മിറ്റി പുതിയ ഭാരവാഹികളെ തെരഞ്ഞെടുത്തു. | മഹാത്മാ ഗാന്ധിയുടെ രക്തസാക്ഷിത്വ ദിനം ആചരിച്ചു | പൊരുതുന്ന കർഷകർക്ക് ഐക്യദാർഢ്യം: ബഹ്റൈൻ നവകേരള. | 16 വർഷത്തെ ഇളവരസിയുടെ കാത്തിരിപ്പിന് വിരാമമിട്ട് സെബുലിംഗം നാട്ടിലേക്ക്......16 വർഷത്തിന് ശേഷം നാട്ടിൽ പോകുമ്പോൾ ഭാര്യക്കോ , മക്കൾക്കോ ഒന്നും വാങ്ങാനോ വഴി ചിലവിനോ എന്തു ചെയ്യും എന്ന ആധിയോടെയാണ് സെബു ലിംഗം നാട്ടിൽ പോവാൻ തയ്യാറാവുന്നത്. | നവ ഭാരത് ബഹറിൻ രക്ത ദാന ക്യാമ്പ് സംഘടിപ്പിച്ചു | ബഹറിൻ സംസ്കൃതി ശബരീശ്വരം ഭാഗ് പ്രസിണ്ടൻറ് സിജുകുമാർ ടിക്കറ്റി നൽകുകയും ഈ ഉദ്യമത്തിൽ പങ്കെടുത്തവരെ അനുമോദിക്കുകയും ചെയ്യ്തു. | പൊതുപ്രവര്‍ത്തകര്‍ക്ക് മാതൃകയാണ് ബാബുരാജൻ – കൊല്ലം പ്രവാസി അസ്സോസിയേഷന്‍ | ബഹ്‌റൈൻ നവകേരള ആദരിച്ചു . |

കോവിഡ് ദുരിതകാലത്ത് സൗദി അറേബ്യയിൽ സജീവ സേവനപ്രവർത്തനങ്ങളുമായി നവയുഗം സാംസ്ക്കാരികവേദി.

ദമ്മാം: സൗദി അറേബ്യയുടെ കിഴക്കൻ പ്രവിശ്യയിൽ, കോവിഡ് 19 രോഗബാധ മൂലം പ്രയാസമനുഭവിയ്ക്കുന്ന പ്രവാസികൾക്ക് ആശ്വാസമായി നവയുഗം സാംസ്ക്കാരികവേദിയുടെ വിവിധ  സാമൂഹ്യസേവന, സാംസ്ക്കാരിക, വിദ്യാഭാസ പ്രവർത്തനങ്ങൾ സജീവമായി മുന്നേറുന്നു. ദമ്മാം, കോബാർ, അൽഹസ്സ, ജുബൈൽ എന്നീ നഗരങ്ങൾ കേന്ദ്രീകരിച്ചാണ് നവയുഗം സാമൂഹ്യസേവനപ്രവർത്തനങ്ങൾ നടത്തുന്നത്.

കൊറോണ ബാധ മൂലം സൗദി സർക്കാർ കർഫ്യൂ പ്രഖ്യാപിയ്ക്കുന്നതിന് മുൻപ് തന്നെ, കോവിഡ് 19 ടാസ്ക്ക് ഫോഴ്‌സ്  രൂപീകരിച്ചു കൊണ്ടാണ് നവയുഗം സാമൂഹ്യസേവനപ്രവർത്തനങ്ങൾ തുടങ്ങിയത്.അപ്പോൾ മുതൽ തന്നെ, സാമ്പത്തിക പ്രതിസന്ധിയിൽ കഷ്ടപ്പെടുന്ന പ്രവാസികൾക്ക് ഭക്ഷണസാധനങ്ങളുടെ കിറ്റുകൾ നൽകിയും, രോഗികളായവർക്ക് മരുന്നുകൾ എത്തിച്ചും, മറ്റു തൊഴിലാളികൾക്ക് മാസ്‌ക്കുകൾ അടക്കമുള്ള ജീവൻസുരക്ഷാ ഉപകരണങ്ങൾ എത്തിച്ചും, യാത്രാസൗകര്യം ആവശ്യമുള്ളവർക്ക് അതിനു സൗകര്യം ഒരുക്കിയും നവയുഗം വോളന്റീർമാർ സജീവമായി പ്രവർത്തിച്ചു വരുന്നു. നവയുഗം രക്ഷാധികാരി ഷാജി മതിലകത്തിന്റെയും, ജീവകാരുണ്യവിഭാഗം കൺവീനർ ഷിബുകുമാറിന്റെയും, കേന്ദ്രകമ്മിറ്റി വൈസ് പ്രസിഡന്റ് മഞ്ജു മണിക്കുട്ടന്റെയും  നേതൃത്വത്തിലുള്ള വെൽഫെയർ കമ്മിറ്റിയാണ് കോവിഡ് 19 ടാസ്ക്ക് ഫോഴ്‌സിന്റെ പ്രവർത്തനങ്ങൾക്ക് ചുക്കാൻ പിടിയ്ക്കുന്നത്. നൂറുകണക്കിന് പ്രവാസികൾക്ക് സഹായമെത്തിയ്ക്കാൻ നവയുഗം വെൽഫെയർ കമ്മിറ്റിയ്ക്ക് കഴിഞ്ഞിട്ടുണ്ട്.

സാമൂഹ്യഒത്തുചേരൽ അസാധ്യമായ ഈ കാലത്ത്, ആധുനിക ശാസ്ത്ര സാങ്കേതികവിദ്യകൾ ഉപയോഗപ്പെടുത്തിയാണ് നവയുഗം കിഴക്കൻ പ്രവിശ്യയിലെ സാമൂഹ്യമേഖലയിൽ സജീവമായി ഇടപെടുന്നത്. സൂം ആപ്പ് ഉപയോഗിച്ചുള്ള വിവിധ ഓൺലൈൻ സംഘടന മീറ്റിങ്ങുകളും, സാംസ്ക്കാരിക പരിപാടികളും നവയുഗം സംഘടിപ്പിയ്ക്കുന്നു. നവയുഗം കുടുംബവേദി, വനിതാവേദി, ബാലവേദി, വായനവേദി, കലാവേദി എന്നിവയും സജീവമായ ഓൺലൈൻ പ്രവർത്തനങ്ങളുമായി പ്രവാസലോകവുമായി സംവദിയ്ക്കുന്നു. നവയുഗം ലൈബ്രറിയിൽ നിന്നും പുസ്തകങ്ങൾ വിതരണം ചെയ്തും, വാട്സാപ്പ് ഗ്രൂപ്പുകളിൽ ഡിജിറ്റൽ പുസ്തകങ്ങൾ ലഭ്യമാക്കിയും, ഓൺലൈൻ മത്സരങ്ങൾ സംഘടിപ്പിച്ചും, പ്രശസ്ത വ്യക്തിത്വങ്ങളുടെയും, കലാകാരന്മാരുടെയും ഫേസ്‌ബുക്ക് ലൈവുകൾ സംഘടിപ്പിച്ചും, കർഫ്യുവിന്റെ മടുപ്പിനെ മറികടക്കാൻ പ്രവാസികളെയും കുടുംബങ്ങളെയും സഹായിയ്ക്കുന്ന വൈവിധ്യമായ പ്രവർത്തനങ്ങളാണ് സംഘടിപ്പിച്ചു വരുന്നത്. നവയുഗം ബാലവേദി സംഘടിപ്പിച്ചു വരുന്ന, പ്രവാസി കുട്ടികളുടെ കലാവാസനയും, സർഗ്ഗശേഷിയും മാറ്റുരയ്ക്കുന്ന ബാലസർഗ്ഗോത്സവം-2020 എന്ന ഓൺലൈൻ കലോത്സവം പ്രത്യേകം ശ്രദ്ധേയമാണ്.

സൗദിയിലെ ഇന്ത്യൻ എംബസ്സി വോളന്റീർ ഗ്രൂപ്പിന്റെയും,  നോർക്ക ഹെൽപ്പ് ഡെസ്ക്കിന്റെയും പ്രവർത്തനങ്ങളിലും നവയുഗം വോളന്റീർമാർ സജീവമായി പങ്കാളിത്തം വഹിയ്ക്കുന്നുണ്ട്.
 

25 October 2021

Latest News