ഇറാഖിൽ വൻ ശവക്കൂന കണ്ടെത്തി.1990 ൽ കാണാതായ കുവൈറ്റികളുടേതെന്ന്സംശയം

കുവൈറ്റ് സിറ്റി:ഇറാഖിലെ മുത്തണ്ണയിൽ വൻ ശവക്കൂന കണ്ടെത്തി.പ്രാദേഷിക സുരക്ഷാ സേന നടത്തിയ പരിശോധനയിലാണ് വൻ ശവക്കൂനകൾ കണ്ടെത്തിയതെന്ന് അൽ മുത്തന്ന  പ്രൊവിൻസ് ഗവർണർ അഹമ്മദ് മൻഫി പറഞ്ഞു.1990 ൽ കുവൈറ്റ് അധിനിവേശത്തെ തുടർന്ന് സദാമിന്റെ സേന പിടിച്ചു കൊണ്ടുപോയ കുവൈത്തികളുടേതാണ് ഈ ശവക്കൂന എന്നാണ് നിഗമനം.

കാണാതായ കുവൈറ്റികളെ തേടി രാജ്യാന്തര തലത്തിൽ അന്വേഷണം നടന്നുവരികയായിരുന്നു.കാണാതായവരിൽ കുവൈറ്റ് സ്വദേശികളും അല്ലാത്തവരുമുണ്ട്.പുതുതായി കണ്ടെത്തിയ ശവക്കൂനകൾ കാണാതായവരെ സംബന്ധിക്കുന്ന വിവരങ്ങൾ കണ്ടെത്താനാകും എന്നാണ് പ്രതീക്ഷ എന്നും ഗവർണർ പറഞ്ഞു.ഇറാഖ് പാർലിമെന്റ് സ്പീക്കർ മുഹമ്മദ് അൽ ഹൽബോസിയും ഉന്നതതല പ്രതിനിധി സംഘവും മൂന്നു ദിവസത്തെ ഔദ്യോഗിക സന്ദർശനത്തിനായി കുവൈറ്റിൽ എത്തിയിട്ടുണ്ട്.

27 April 2024