സാമ്പത്തിക നിയമത്തിൽ പുതിയ മാറ്റങ്ങളുമായി ഖത്തർ

ഖത്തർ:കള്ളപ്പണം വെളുപ്പിക്കൽ,ഭീകരവാദ പ്രവർത്തനങ്ങൾ തുടങ്ങിയവ തടയുന്നതിനായി 2010 ൽ നടപ്പാക്കിയ നിയമം കൂടുതൽ കടുത്ത നിബന്ധനകളോടെ പതുക്കുന്നതിനുള്ള പുതിയ സാമ്പത്തിക നിയമം ഖത്തർ
അമീർ പാസാക്കി.ഖത്തർ സെൻട്രൽ ബാങ്ക് നടപ്പാക്കുന്ന ഈ നിയമം ഇത്തരം കുറ്റകൃത്യങ്ങൾക്കുള്ള എല്ലാ പഴുതുകളെയും ഇല്ലാതാക്കുന്നതാണ്.ഔദ്യോഗിക ഗസറ്റിൽ പ്രസിദ്ധീകരിക്കുന്നത് മുതൽ ഖത്തർ സെൻട്രൽ ബാങ്ക് ഈ നിയമം നടപ്പിൽ വരുത്തുന്നതായിരിക്കും.

കള്ളപ്പണം വെളുപ്പിക്കൽ ഉൾപ്പെടെയുള്ള സാമ്പത്തിക തട്ടിപ്പുകൾ തടയുന്നതിനായുള്ള ദേശിയ സമിതിയുടെ വലിയ പരിശ്രമങ്ങളുടെയും കൂടി ഫലമാണ് പുതിയ നിയമ നിർമാണം കൊണ്ട് ലക്ഷ്യമിടുന്നതെന്ന് ഖത്തർ സെൻട്രൽ ബാങ്ക് ഗവർണർ ഷെയ്ഖ് അബ്‌ദുല്ല ബിൻ സൗദ് അൽത്താനി പറഞ്ഞു.2002 ൽ രൂപീകരിച്ച ഈ സമിതിയുടെ  മികച്ച പ്രവർത്തനങ്ങളുടെ ഫലമാമായി സാമ്പത്തിക കുറ്റകൃത്യങ്ങൾ ഇല്ലാതാക്കാൻ രാജ്യത്തെ സഹായിച്ചിട്ടുണ്ട്.പതിനഞ്ച് മന്ത്രാലയങ്ങളുടെ പ്രതിനിധികളും വിവിധ അതോറിറ്റികളും ചേർന്നതാണ് ഈ സമിതി.

21 November 2024