കുവൈറ്റിൽ നിന്ന് വിദേശികൾ അയയ്ക്കുന്ന പണത്തിന് നികുതി എന്ന നിർദ്ദേശം തള്ളി

കുവൈറ്റ് സിറ്റി:വിദേശികൾ നാട്ടിലേക്കയയ്ക്കുന്ന പണത്തിന് അഞ്ചുശതമാനം നികുതി ഏർപ്പെടുത്തണമെന്ന നിർദേശം കുവൈത്ത് പാർലമെന്റ് നിയമനിർമാണ ഉന്നതസമിതി തള്ളിക്കളഞ്ഞു.മാത്രമല്ല ഇത് തികച്ചും ഭരണഘടനാവിരുദ്ധമാണെന്ന് കുവൈത്ത് ധനമന്ത്രാലയവും കുവൈത്ത് സെൻട്രൽ ബാങ്കും നിലപാട് കൈക്കൊണ്ടതോടെയാണ് നിർദേശം തള്ളിയത്.വിദേശികൾ നാട്ടിലേക്കയയ്ക്കുന്ന പണത്തിന് നികുതി ഏർപ്പെടുത്തണമെന്ന ആവശ്യം ശക്തമാകുകയാണ്.2019 ആദ്യപകുതിയിൽ കുവൈത്തിൽനിന്ന് വിദേശികൾ നാട്ടിലേക്കയച്ചത് 210 കോടി കുവൈത്ത് ദിനാർ(ഏതാണ്ട് അമ്പതിനായിരം കോടി രൂപ) ആണ്.പാർലമെന്റിലെ ഏക വനിതാ അംഗവും ധനകാര്യസമിതി അധ്യക്ഷയുമായ സഫാ അൽ ഹാഷിം ആണ് വിദേശികളിൽനിന്ന് നികുതി പിരിക്കണമെന്ന ആവശ്യം വീണ്ടും ഉന്നയിച്ചത്.നികുതി ഏർപ്പെടുത്താനുള്ള നിർദേശം പാർലമെന്റ് സമിതി അംഗീകരിച്ചതാണെന്നും സമിതിയുടെ ശുപാർശ പാർലമെന്റ് പാസ്സാക്കണമെന്നും അവർ ആവശ്യപ്പെട്ടു.

26 April 2024