ലൈസൻസില്ലാതെ വാഹനം ഓടിക്കുന്നവർക്കെതിരെ നടപടി

ദോഹ:ലൈസൻസില്ലാതെ വാഹനം ഓടിക്കുന്നവർക്കെതിരെയുള്ള പരിശോധന ഗതാഗത വകുപ്പ് കർശനമാക്കുന്നു.സ്‌കൂൾ തുറന്നതോടെ ലൈസൻസില്ലാതെ വാഹനം ഓടിച്ചെത്തുന്ന ഹൈസ്‌കൂൾ വിദ്യാർത്ഥികളുടെ എണ്ണം കൂടിവരുന്നതിലാണ് പരിശോധന കർശനമാക്കുന്നത്.ഹയർ സെക്കന്ററി സ്‌കൂളുകളുടെ മുന്നിൽ  ഗതാഗത പെട്രോൾ കൂടുതൽ കർശനമാക്കുമെന്ന് ഗതാഗത ബോധവൽക്കരണ വകുപ്പ് ഡയറക്ടർ കേണൽ മുഹമ്മദ് റാദി അൽ ഹജിരി പറഞ്ഞു.50 മുതൽ 60 വരെ ലംഘനങ്ങളാണ് ഇത്തരത്തിൽ സ്‌കൂളുകൾക്ക് മുൻപിൽ നിന്ന് പിടികൂടുന്നത്.

ലൈസൻസില്ലാതെ വാഹനം ഓടിക്കുന്നത് ഗതാഗത ലംഘനം ആണെന്നും വിദ്യാർത്ഥികളെ ബോധവൽക്കരിക്കേണ്ടത് രക്ഷിതാക്കളുടെ ആവശ്യമാണെന്നും അദ്ദേഹം പറഞ്ഞു.സ്‌കൂളിലേക്ക് വരുമ്പോഴും പോകുമ്പോഴും വിദ്യാർത്ഥികൾ ഗതാഗത സുരക്ഷാ ചട്ടങ്ങൾ പാലിക്കണമെന്നും ഗതാഗത ബോധവൽക്കരണമാണ് ഇതിലൂടെ ലക്ഷ്യമിടുന്നതെന്നും അദ്ദേഹം കൂട്ടിച്ചേർത്തു.വിദ്യാർത്ഥികൾക്കായി പ്രത്യേക മാർഗ നിർദേശനങ്ങളും ഫീൽഡ് ക്യാമ്പയിനും ബ്രോഷറുകളും വിതരണം ചെയ്യും.

2 December 2023