ഒരു പവൻ സ്വർണം വാങ്ങുന്നവർക്ക് ലാഭം 3750 രൂപ

ദുബായ്:സ്വർണവില കുറഞ്ഞ സാഹചര്യത്തിൽ സ്വർണം വാങ്ങേണ്ടവർക്ക് അത് ഉപയോഗപ്പെടുത്താം എന്നാണ് വിദഗ്ധ നിർദ്ദേശം. രാജ്യാന്തര തലത്തിൽ വ്യാപാര യുദ്ധത്തിനിടെ നടന്ന സന്ധി സംഭാഷണങ്ങളും രാജ്യങ്ങളുടെ നിലപാടുകളിലെ അയവുമാണ് സ്വർണവില താഴ്ന്നത്തിന് കാരണം.ഈ സാഹചര്യം പ്രയോജനപ്പെടുത്താമെന്നാണ് വിദഗ്ധർ ചൂണ്ടിക്കാണിക്കുന്നത്.ദീപാവലി പ്രമാണിച്ച് വ്യാപാരം കൂടുതൽ പ്രോത്സാഹിപ്പിക്കാൻ ധാരാളം ഓഫറുകൾ പ്രഖ്യാപിച്ചിട്ടുമുണ്ട്.ഒരു പവൻ സ്വർണം വാങ്ങിപ്പോകുന്ന ആൾക്ക് 3500-3750 രൂപയുടെ വരെ ലാഭം ഉണ്ടാകും.വിനോദ സഞ്ചാരത്തിന് എത്തി മടങ്ങുന്നവർക്ക് വാറ്റ് തുക തിരികെ ലഭിക്കുമെന്ന ആനുകൂല്യം കൂടി കണക്കിലെടുത്താൽ കുറഞ്ഞത് 12.5% ലാഭം നേടാം.21.5% ലാഭമാണ് കഴിഞ്ഞ വർഷം ഇതേ സമയം സ്വർണം വാങ്ങിയവർക്ക് ഇപ്പോൾ കണക്കാക്കുമ്പോൾ ലഭിച്ച നേട്ടം.ഇന്ത്യയിൽ ഇന്നലത്തെ സ്വർണവില ഗ്രാമിന് 3725 രൂപയും,ദുബായിൽ ഇന്നലെ 169 ദിർഹവുമാണ്(3261 രുപ). 

2 December 2023