അന്താരാഷ്ട്ര സമൂഹം രംഗത്തു വന്നത് സാമ്പത്തികമായി ഇന്ത്യക്ക് തിരിച്ചടിയാകുന്നു

യുഎഇ:പൗരത്വ നിയമ ഭേദഗതിയിലൂടെ മതവിവേചനം അടിച്ചേൽപിക്കാനുള്ള ഭരണകൂട നീക്കത്തിനെതിരെ അന്താരാഷ്ട്ര സമൂഹം രംഗത്തു വന്നത് സാമ്പത്തികമായും ഇന്ത്യക്ക് തിരിച്ചടിയാകും. നിയമത്തിനെതിരെ രൂപപ്പെട്ട പ്രക്ഷോഭം വിദേശ നിക്ഷേപകരിലും വലിയ ആശങ്കയാണ് ഉണ്ടാക്കിയിരിക്കുന്നത്.ഹിന്ദുത്വരാഷ്ട്ര നിർമിതിയുടെ ഭാഗം എന്ന നിലക്കാണ് മോദി സർക്കാറിന്‍റെ പൗരത്വ നിയമ ഭേദഗതിയെ പുറം ലോകം നോക്കി കാണുന്നത്. സമാധാനപരമായ പ്രക്ഷോഭ പരിപാടികളെ ക്രൂരമായി അമർച്ച ചെയ്യുന്ന സർക്കാർ നീക്കത്തിനെതിരെ കടുത്ത വിമർശനമാണ് വിദേശ മാധ്യമങ്ങളിലും അന്താരാഷ്ട്ര വേദികളിലും നിറയുന്നത്. ഇന്ത്യയുടെ സമ്പദ്ഘടനയെ നിലവിലെ സാഹചര്യം കൂടുതൽ തളർത്തുമെന്ന് ധനകാര്യ വിദഗ്ധർ മുന്നറിയിപ്പ് നൽകുന്നു.യു.എ.ഇ ഉൾപ്പെടെ അറബ് ലോകം ഇന്ത്യയിൽ വൻ നിക്ഷേപത്തിന് ഒരുങ്ങുന്ന സാഹചര്യത്തിലാണ് പുതിയ സംഭവവികാസങ്ങൾ.താരതമ്യേന സഹിഷ്ണുതയും സുരക്ഷയുമുള്ള രാജ്യം എന്ന നിലക്കാണ് ഇന്ത്യയിലേക്ക് നിക്ഷേപകർ ആകർഷിക്കപ്പെട്ടത്. വിദേശ മണ്ണിൽ രാജ്യത്തിെന്‍റെ പ്രതിഛായക്കും വിവാദ നിയമനിർമാണം വലിയ പോറലാണ് ഏൽപിച്ചിരിക്കുന്നത്.ഔദ്യോഗിക പ്രതികരണം ഉണ്ടായില്ലെങ്കിലും മുസ്ലിം രാജ്യങ്ങളുടെ പൊതുവേദിയായ ഒ.ഐ.സിയും ഇന്ത്യ കൈക്കൊണ്ട മുസ്ലിം വിരുദ്ധ നിയമനിർമാണത്തെ ഉത്കണ്ഠയോടെയാണ് നോക്കി കാണുന്നത്.

21 November 2024