ഇന്ധന പ്രതിസന്ധിയുമായി എയർ ഇന്ത്യ

ന്യൂഡൽഹി/നെടുമ്പാശ്ശേരി:കൊച്ചി ഉൾപ്പെടെയുള്ള വിമാനത്താവളങ്ങളിൽ എയർ ഇന്ത്യക്കുള്ള ഇന്ധനം കുടിശിക നൽകാത്തതുമൂലം കമ്പനികൾ നിർത്തിവെച്ചതിനെത്തുടർന്നുള്ള പ്രതിസന്ധി പരിഹരിക്കാൻ വ്യോമയാന,പെട്രോളിയം മന്ത്രാലയ പ്രതിനിധികൾ ചർച്ച നടത്തി.ഇന്ധനം നിറയ്ക്കാൻ പണമില്ലാത്തതിനാൽ കൊച്ചിയിൽ നിന്ന് ദുബായിലേക്കുള്ള വിമാനം 4 മണിക്കൂറോളം വൈകിയതിന്റെ പശ്ചാത്തലത്തിലാണ് മന്ത്രാലയങ്ങളുടെ ഇടപെടൽ.5000 കോടിയോളം രൂപയാണ് എയർ ഇന്ത്യ നൽകാനുള്ളത്.ഇന്ധന വിതരണം മുടങ്ങുന്നത് വരും ദിവസങ്ങളിൽ കൂടുതൽ സർവീസുകളെ ബാധിക്കുമെന്നതിനാൽ അടിയന്തര പരിഹാരം വേണമെന്ന് ഇരു മന്ത്രാലയങ്ങളും വിലയിരുത്തി.അതേസമയം,ചർച്ചയ്ക്ക് തയ്യാറാണെങ്കിലും കുടിശ്ശിക അടയ്ക്കുന്നത് സംബന്ധിച്ച ഉറപ്പൊന്നും എയർ ഇന്ത്യ നൽകാത്തതിലുള്ള അമർഷം കമ്പനികൾ മന്ത്രാലയങ്ങളെ അറിയിച്ചിട്ടുണ്ട്. 

5 April 2025