Mon , Jul 13 , 2020

പാക്ടിന്റെ സ്വപ്നം യാഥാർഥ്യമായി | ഐമാക് ബഹറിൻ മീഡിയ സിറ്റി സ്കോളർഷിപ്പ് പ്രഖ്യാപിച്ചു | സമാജം വിമാന സർവ്വീസ് പതിനഞ്ചാമത്തെ വിമാനം ശനിയാഴ്ച രാവിലെ ,ഇനി നാലാം ഘട്ടം | കോവിഡ് കാലത്തെ സേവനപ്രവർത്തനങ്ങൾ, തുടർച്ചയായ 100 ദിവസങ്ങൾ പൂർത്തിയാക്കിയ ചാരിതാർഥ്യത്തിൽ ഹോപ്പ് ബഹ്‌റൈൻ. | ആലപ്പുഴ പ്രവാസി അസോസിയേഷൻ ചികിത്സ ധനസഹായം വിതരണം ചെയ്തു. | സമാജം കോവിഡ് ധനസഹായം പാവപ്പെട്ട മലയാളികൾക്ക് ടിക്കറ്റിനായി നൽകി. | കണ്ണൂർ എക്സ്പാറ്റ്സ് ഗൾഫ് എയർ വിമാനത്തിന്റെ ആദ്യ ടിക്കറ്റ് കൈമാറി | സമാജം സൗജന്യ വിമാന യാത്രക്ക് അപേക്ഷകൾ ക്ഷണിക്കുന്നു .... | പഠനം രസകരമാക്കി ഇന്ത്യൻ സ്‌കൂൾ റിഫ കാമ്പസിലെ കുരുന്നുകൾ | സംസ്കൃതി ബഹ്‌റിനും, കേരള സോഷ്യൽ ആൻഡ് കൾചറൽ അസോസിയേഷനും ചേർന്ന്ചാർട്ടേർഡ് ചെയ്ത വിമാനം കൊച്ചിയിലേക്ക് പറന്നു |

ഖത്തറില്‍ ഭക്ഷ്യസുരക്ഷാ നിയമം പാലിക്കാത്ത 19 ലോഡ് കാര്‍ഷികോല്‍പ്പന്നങ്ങള്‍ നശിപ്പിച്ചു

ഖത്തർ:ഭക്ഷ്യസുരക്ഷാ നിയമം പാലിക്കാത്ത 19 ലോഡ് കാര്‍ഷികോല്‍പ്പന്നങ്ങള്‍ ഖത്തറില്‍ നശിപ്പിച്ചു.പരിസ്ഥിതി മന്ത്രാലയത്തിന് കീഴിലുള്ള കാര്‍ഷിക കാര്യ വകുപ്പ് നടത്തിയ പരിശോധനയിലാണ് നിയമലംഘനം കണ്ടെത്തിയത്.രാജ്യത്ത് വിളയിച്ചെടുക്കുന്ന കാര്‍ഷികോല്‍പ്പന്നങ്ങളുടെ ഗുണമേന്മ വര്‍ധിപ്പിക്കുക,കീടാണു മുക്തമാക്കുക എന്നീ ലക്ഷ്യങ്ങള്‍ മുന്‍ നിര്‍ത്തിയാണ് രാജ്യത്തേക്കെത്തുന്ന വിത്തുകള്‍ ഉള്‍പ്പെടെയുള്ള കാര്‍ഷികോല്‍പ്പന്നങ്ങള്‍ പരിശോധിക്കാന്‍ അധികൃതര്‍ തീരുമാനിച്ചത്.88975 ടണ്‍ തൂക്കമുള്ള 5682 ലോഡുകളാണ് മുനിസിപ്പാലിറ്റി പരിസ്ഥിതി മന്ത്രാലയത്തിന് കീഴിലുള്ള കാര്‍ഷിക കാര്യ വകുപ്പ് പരിശോധിച്ചത്.ഇതില്‍ ഭക്ഷ്യസുരക്ഷാ നിയമം പാലിച്ചില്ലെന്ന് കണ്ടെത്തിയ 6.23 ടണ്‍ തൂക്കമുള്ള 19 ലോഡ് വസ്തുക്കള്‍ കാര്‍ഷിക വകുപ്പ് നശിപ്പിച്ചു.കൃഷിക്കായുള്ള തൈകള്‍,വിത്തുകള്‍,എന്നിവയെല്ലാം ഇതില്‍ ഉള്‍പ്പെടുന്നു.എന്നാല്‍ ഇവ എവിടെ നിന്ന് ഇറക്കുമതി ചെയ്തതാണെന്ന വിവരങ്ങള്‍ അധികൃതര്‍ പുറത്തുവിട്ടിട്ടില്ല.വരും ദിവസങ്ങളിലും ഈ മേഖലയില്‍ പരിശോധനകള്‍ കര്‍ശനമാക്കാനാണ് അധികൃതരുടെ തീരുമാനം.രാജ്യത്തിനാവശ്യമായ ഭക്ഷോല്‍പ്പന്നങ്ങള്‍ പൂര്‍ണമായും ആഭ്യന്തരമായി തന്നെ വിളയിച്ചെടുക്കുകയെന്ന ലക്ഷ്യം മുന്‍നിര്‍ത്തിയാണ് നിര‍വധി ബൃഹദ് പദ്ധതികളാണ് മുനിസിപ്പാലിറ്റി മന്ത്രാലയം ആവിഷ്കരിച്ചിരിക്കുന്നത്.സ്വദേശികള്‍ക്കും വിദേശികള്‍ക്കും കൃഷിക്കായി വലിയ പ്രോത്സാഹനവും മറ്റ് സഹായങ്ങളും നേരത്തെ തന്നെ മന്ത്രാലയം പ്രഖ്യാപിച്ചിട്ടുണ്ട്.അധികം വൈകാതെ തന്നെ പഴം പച്ചക്കറി ഉല്‍പ്പാദനത്തില്‍ പൂര്‍ണായും സ്വയം പര്യാപ്തത കൈവരിക്കാന്‍ രാജ്യത്തിനാകുമെന്നാണ് അധികൃതരുടെ കണക്കുകൂട്ടല്‍

 

 

 

 

13 July 2020