ഹജ് അനുമതി പത്രമില്ലത്തവർക്കെതിരെ ശിക്ഷയുമായി പാസ്പോർട്ട് സമിതി

ജിദ്ദ:ഹജ്ജ് വേളയിൽ അനുമതി പത്രമില്ലാത്തവരെ മക്കയിലേക്ക് കടത്തിയതിനുള്ള പിഴയും ശിക്ഷയുമായി 108 വിധികൾ പുറപ്പെടുവിച്ചതായി പാസ്പോർട്ട് സമിതിയുടെ റിപ്പോർട്ട്.50 ലക്ഷം റിയാലാണ് മൊത്തം പിഴസംഖ്യ.ഇതോടൊപ്പം 1540 ദിവസം ജയിൽ ശിക്ഷയും വിധിച്ചിട്ടുണ്ട്.15 ഓളം വാഹനങ്ങളാണ്‌ ഇതുവരെ പിടിച്ചെടുത്തിട്ടുള്ളത്.19 വിദേശികളെയാണ്‌ നാടുകടത്തലിനു വിധിച്ചിരിക്കുന്നത്.

ഏറ്റവും വലിയ പിഴ 1,40,000 റിയാലും ഏറ്റവും കുറഞ്ഞത് 10,000 റിയാലുമാണ്.എന്നാൽ പിഴ ശിക്ഷ വിധിച്ചവരിൽ സ്ത്രീകളില്ല.ഹജ്ജ് അനുമതി പത്രമില്ലാത്തവരെ മക്കയിലേക്ക് കടത്തുന്നവർക്കും ഹജ്ജ് നിയമങ്ങൾ ലംഘിക്കുന്നവർക്കുമെതിരെ പിഴയും ശിക്ഷയും ചുമത്തുന്നതിനായി പാസ്പോർട്ട് വകുപ്പിന് കീഴിലുള്ള പ്രത്യേക സമിതി മുഴുവൻ സമയങ്ങളിലും പ്രവേശന കവാടങ്ങളിൽ പ്രവർത്തിച്ചിരുന്നു.ഇങ്ങിനെ പിടിയിലാകുന്നവർക്കുള്ള ശിക്ഷ പാസ്പോർട്ട് വകുപ്പ് നേരത്തെ തന്നെ വ്യക്തമാക്കിയിരുന്നു.   

22 October 2024