ഒമാനിൽ ബലിപെരുന്നാൾ അവധി ഒമ്പതു ദിവസം

മസ്കറ്റ്:ഒമാനിൽ ബലിപെരുന്നാളിന് അഞ്ചുദിവസം ഔദ്യോഗിക അവധി പ്രഖ്യാപിച്ചു.ഓഗസ്റ്റ് 11 ഞായറാഴ്ച മുതൽ 15 വ്യാഴാഴ്ച വരെയാണ് അവധി.വരാന്ത്യ അവധി ഉൾപ്പെടെ ഒമ്പത് ദിവസം ആയിരിക്കും അവധി ലഭിക്കുക.12 നു ബലിപെരുന്നാളായി മതകാര്യ വകുപ്പ് കഴിഞ്ഞ ദിവസം പ്രഖ്യാപിച്ചിരുന്നു. ഒമ്പത് ദിവസത്തെ അവധി ലഭിക്കുന്നതോടെ സലാലയടക്കമുള്ള ടൂറിസ്റ്റ് മേഖയിലേക്ക് പെരുന്നാൽയാത്ര നടത്താനുള്ള ഒരുക്കത്തിലാണ് സ്വദേശികളും വിദേശികളും.പ്രവാസികൾ പലരും അവധിപ്രഖ്യാപനം വന്നതോടെ നാട്ടിലേക്കുള്ള യാത്രയ്ക്ക് ഒരുങ്ങുകയാണ്.റോയൽ കോടതി ദിവാൻ മന്ത്രി സയ്യിദ് ഖാലിദ് ബിൻ ഹിലാൽ അൽബുസൈദിയും മാനവവിഭവശേഷി മന്ത്രി ശൈഖ് അബ്‌ദുല്ല ബിൻ നാസർ അൽ ബക്‌രിയുമാണ് അവധി പ്രഖ്യാപിച്ചത്.

27 July 2024