Sun , Sep 27 , 2020

പ്രശസ്ത ഗായകൻ ശ്രീ. എസ്.പി. ബാലസുബ്രഹ്മണ്യത്തിന്റെ നിര്യാണത്തിൽ ഫ്രറ്റേർണിറ്റി ഓഫ് എറണാകുളം ഡിസ്ട്രിക്ട് അനുശോചനം രേഖപ്പെടുത്തി. | ഐമാക് കൊച്ചിൻ കലാഭവൻ അനുശോചനം രേഖപ്പെടുത്തി | അനശ്വര ഗായകന് സിറോമലബാർ സോസൈറ്റിയുടെ ആദരാഞ്ജലികൾ.... | കൊല്ലം പ്രവാസി അസ്സോസിയേഷന്‍ ഓണാഘോഷം സംഘടിപ്പിച്ചു . | ഗ്രൂപ്പിൽ നടക്കുന്ന മറ്റു സംഘടനെയെയോ കൂട്ടായ്മയയെ കുറിച്ചോ ഉള്ള ചർച്ചകളിൽ രേഖപ്പെടുത്തുന്ന അഭിപ്രായം പറയുന്ന വ്യക്‌തികളുടെ ഉത്തരവാദിത്വം മാത്രമാണ്....BKSF | കുറ്റിപ്പുറം എംഇഎസ് എൻജിനീയറിങ് കോളേജ് അലുംനി അസോസിയേഷൻറെ ബഹ്റൈൻ ചാപ്റ്റർ രൂപീകൃതമായി. | സാം സാമുവേലിന്റെ കുടുംബത്തിന് സീറോ മലബാർ സോസൈറ്റി സഹായധനം കൈമാറി | പാൻ ബഹറിൻ ഓണാഘോഷതോടനുബന്ധിച്ചു നിർധന കുടുംബത്തിന് ഒരു ഭവനം ഓണ സമ്മാനമായി നൽകി. | മനുഷ്യനെയും മനുഷ്യ ജീവിതത്തെയും ഉൾകൊള്ളാൻ സംഘടനകൾക്ക് സാധിക്കണം. കെ പി ആർ | പ്രവാസ ലോകത്ത് നിന്നും മാപ്പിളപ്പാട്ടുകൾക്ക് ഒരു പുനർജന്മം. |

ഉംറ തീർത്ഥാടകർക്ക് സൗദി ഇൻഷുറൻസ് നിർബന്ധമാക്കുന്നു

ജിദ്ദ:സൗദി ഹജ്ജ്,ഉംറ മന്ത്രാലയം വിദേശ ഉംറ തീർഥാടകർക്ക് സമ്പൂർണ ആരോഗ്യ ഇൻഷുറൻസ് നിർബന്ധമാക്കി.ട്രാവൽ ഏജന്റ് വഴിയോ ഓൺലൈൻവഴിയോ ഇൻഷുറൻസ് എടുക്കാം.ഒരു മാസത്തേക്കുള്ള ഉംറ തീർഥാടക ഇൻഷുറൻസ് 189 സൗദി റിയാൽ(ഏകദേശം 3560 രൂപ) ആയിരിക്കും.നിശ്ചിതസമയത്ത് വിമാനം പുറപ്പെട്ടില്ലെങ്കിലും യാത്ര റദ്ദുചെയ്താലും ഇൻഷുറൻസ് പരിരക്ഷ ലഭിക്കും.തീർഥാടകൻ മരിച്ചാൽ മൃതദേഹം നാട്ടിലെത്തിക്കാനുള്ള ചെലവും കിട്ടും.തീർഥാടക ഇൻഷുറൻസിന് സൗദി ഹജ്ജ്,ഉംറ വിഭാഗം കോ-ഓപ്പറേറ്റീവ് ഇൻഷുറൻസ് കമ്പനിയുമായി കരാറിൽ ഒപ്പുവെച്ചു.നിശ്ചിതസമയത്ത് വിമാനം പുറപ്പെട്ടില്ലെങ്കിൽ 500 റിയാൽ(ഏകദേശം 9419 രൂപ) ലഭിക്കും.യാത്ര റദ്ദുചെയ്താൽ 5000 റിയാലും(ഏകദേശം 94197 രൂപ) ഇൻഷുറൻസ് പരിരക്ഷ ലഭിക്കും.തീർഥാടകൻ മരിച്ചാൽ ശരീരം നാട്ടിലെത്തിക്കാൻ പരമാവധി 10,000റിയാൽ(ഏകദേശം 1,88,394 രൂപ) ലഭിക്കും.അപകടത്തിൽ മരിച്ചാൽ ഒരു ലക്ഷം റിയാൽ(ഏകദേശം 18,83,945 രൂപ) കുടുംബത്തിന് കിട്ടും.അത്യാഹിത ആരോഗ്യചികിത്സയ്ക്കും പരിചരണത്തിനും ഒരു ലക്ഷം റിയാൽ ഇൻഷുറൻസ് ഇനത്തിൽ ലഭിക്കും.ഒരു അപകടത്തിൽ മൊത്തം നഷ്ടപരിഹാരമായി 380 ദശലക്ഷം റിയാൽ(ഏകദേശം 715,89,91,098 രൂപ) നഷ്ടപരിഹാരമായി ലഭിക്കുമെന്നതും ഇൻഷുറൻസിന്റെ പ്രത്യേകതയാണ്.ഉംറ തീർഥാടകർക്ക് സമ്പൂർണ ആരോഗ്യ ഇൻഷുറൻസ് നിർബന്ധമാണെന്ന് ഹജ്ജ്,ഉംറ മന്ത്രി ഡോ. മുഹമ്മദ് സ്വാലിഹ് ബെൻതിൻ അറിയിച്ചു. അത്യാഹിതസാഹചര്യങ്ങളിൽ ആംബുലൻസ് സേവനങ്ങൾ,യാത്രകളിലുണ്ടായേക്കാവുന്ന അപകടങ്ങൾ,ദുരന്തങ്ങൾ എന്നിവയ്ക്കുപുറമെ ബാഗേജ് നഷ്ടപ്പെടുക,യാത്ര വൈകുക,ദീർഘനേരം എയർപോർട്ടുകളിൽ നിൽക്കേണ്ടിവരിക എന്നിവയെല്ലാം തീർഥാടക ഇൻഷുറൻസിന്റെ പരിധിയിൽ വരുമെന്ന് ഹജ്ജ്- ഉംറ മന്ത്രി പറഞ്ഞു.തീർഥാടകർക്ക് ലളിതമായും പ്രയാസരഹിതമായും കർമങ്ങൾ നിർവഹിക്കാൻ മന്ത്രാലയം ഒരുക്കുന്ന സംവിധാനത്തിന്റെഭാഗമാണ് ഇൻഷുറൻസ് പദ്ധതി.ഒരു മാസത്തെ ഉംറ തീർഥാടന ഇൻഷുറൻസ് പോളിസിയുടെ കാലാവധി കഴിഞ്ഞാൽ വീണ്ടും ഒരു മാസത്തേക്കുകൂടി പുതുക്കാൻ സാധിക്കും.എയർപോർട്ടുകളിലെ കൗണ്ടറുകളിലൂടെയും മറ്റു മാർഗങ്ങളിലുടെയും പോളിസി പുതുക്കാൻ കഴിയുമെന്നും ഔദ്യോഗികവൃത്തങ്ങൾ സൂചിപ്പിച്ചു.

27 September 2020

Latest News