ജനുവരി ഒന്നുവരെ അബുദാബിയിൽ ടോൾ യാത്ര സൗജന്യം

അബുദാബി:അബുദാബിയിൽ ഒക്ടോബർ 15 ചൊവ്വാഴ്ച തുടങ്ങാനിരിക്കുന്ന ടോല്ൽ സംവിധാനം 2020 ജനുവരി ഒന്നുവരെ മരവിപ്പിച്ചു.നാലു ടോൾ ഗേറ്റുകളിലൂടെയുള്ള യാത്രകള്‍ക്ക് പണം ഈടാക്കില്ലെന്നും യാത്ര പൂര്‍ണമായും സൗജന്യമായിരിക്കുമെന്നും ഗതാഗത വകുപ്പ് അധികൃതര്‍ അറിയിച്ചു.റജിസ്ട്രേഷൻ നടപടികൾ ഒന്നുംതന്നെ പൂർത്തിയാക്കാൻ സാധിക്കാത്തതിനാൽ ഇക്കാര്യത്തിൽ നേരത്തെ ആളുകൾ ആശങ്ക സൂചിപ്പിച്ചിരുന്നു.ശനി മുതല്‍ വ്യാഴം വരെയുള്ള ദിവസങ്ങളില്‍ രാവിലെ ഏഴു മുതല്‍ ഒൻപത് വരെയും വൈകിട്ട് അഞ്ചു മുതല്‍ ഏഴു വരെയും ടോള്‍ ഗേറ്റ് കടന്നാല്‍ നാലു ദിര്‍ഹമും മറ്റു സമയങ്ങളിലും വാരാന്ത്യ പൊതു അവധി ദിവസങ്ങളിലും രണ്ടു ദിര്‍ഹവുമാണ് ടോൾ നിരക്കായി ഈടാക്കുക.ഒരു ദിവസം എത്ര തവണ ടോള്‍ ഗേറ്റ് കടന്നാലും ഈടാക്കുന്ന പരമാവധി തുക 16 ദിര്‍ഹമായിരിക്കും.റജിസ്‌ട്രേഷന്‍ നടപടികള്‍ പൂര്‍ത്തിയാക്കാനായി റോഡ് ഉപയോക്താക്കള്‍ക്ക് കൂടുതല്‍ സമയം അനുവദിക്കുന്നതിന്റെ ഭാഗമായാണിതെന്നും അധികൃതർ അറിയിച്ചിട്ടുണ്ട്.

11 February 2025