കേരളത്തെ കരകയറ്റാൻ പ്രാർത്ഥനയുമായി പ്രവാസികൾ

ദുബായ്:പ്രളയദുരിതം അനുഭവിക്കുന്നവർക്കും  പ്രിയപ്പെട്ടവർക്കുംവേണ്ടി പ്രാർത്ഥിച്ചുകൊണ്ടായിരുന്നു പ്രവാസി മലയാളികളുടെ ബലിപെരുന്നാൾ.പ്രളയക്കെടുതിയിൽ നാടും വീടും ബന്ധുജനങ്ങളും സുഹൃത്തുക്കളും ഒഴുകിപ്പോകുന്ന വാർത്തകളും ചിത്രങ്ങളും മരുഭൂമിയിലിരുന്ന് വേദനയോടെ നോക്കികാണുകയാണ് പ്രവാസികൾ.കഴിഞ്ഞ ദിവസങ്ങളിലൊന്നും നാട്ടിലേക്ക് ഫോണിൽ പോലും ബന്ധപ്പെടാൻ കഴിയാതിരുന്നത് ഏറെ പ്രയാസമുണർത്തിയിരുന്നു.എന്നാൽ നാട്ടിലേക്ക് വിളിച്ചവർക്കാകട്ടെ വേദനിപ്പിക്കുന്ന വാർത്തകളാണ് കേൾക്കാൻ ആയതും.നാട്ടിൽ നിന്നെത്തുന്ന സന്ദേശങ്ങൾക്കായി കാത്തിരിക്കുകയാണ് ഓരോ പ്രവാസിയും.ആഘോഷപ്പൊലിമ ബലി നൽകികൊണ്ട് ദുരിതപ്പെയ്ത്തിൽ ജീവൻ പൊലിഞ്ഞവർക്കും കഷ്ടത അനുഭവിച്ചു കൊണ്ടിരിക്കുന്നവർക്കും ഇരുകൈകളും ഉയർത്തി ഉള്ളുരുകി പള്ളികളിൽ പ്രാർത്ഥിച്ചുകൊണ്ടായിരുന്നു ഓരോ പ്രവാസിയുടെയും  ബലിപെരുന്നാൾ.

21 November 2024