രൂപയുടെ മൂല്യം കുറഞ്ഞു;പ്രവാസികൾക്കു നേട്ടം

ദുബായ്:അപ്രതീക്ഷിതമായി രൂപയുടെ മൂല്യം കുറഞ്ഞത് പ്രവാസികൾക്ക് ഗുണകരമായി.മിക്ക എക്സ്ചേഞ്ചുകളിലും പണമയയ്ക്കാൻ എത്തിയവരുടെ നീണ്ട നിര തന്നെയായിരുന്നു. ദിർഹത്തിനു 19.3 രൂപവരെ ചില  എക്സ്ചേഞ്ചുകൾ നൽകി.ഈ തിരക്ക് അടുത്തയാഴ്ചവരെ തുടർന്നേക്കാമെന്നും ജോയ് ആലുക്കാസ് എക്സ്ചേഞ്ച് എക്സിക്യൂട്ടീവ് ഡയറക്ടർ ആന്റണി ജോസഫ് പറഞ്ഞു.മാസങ്ങൾക്ക് ശേഷമാണ് ഇത്ര വ്യത്യാസം ഒറ്റയടിക്ക് ഉണ്ടായതെന്നും അത് കൊണ്ടുതന്നെ തിരക്ക് ഏറെയായിരുന്നെന്നും ലുലു വില്ലേജിലെ യുഎഇ എക്സ്ചേഞ്ച് ശാഖാ മാനേജർ എം.കെ സുഭീഷ് പറഞ്ഞു.രൂപയുടെ മൂല്യം ഒറ്റയടിക്കു 25 പൈസയോളം താഴ്ന്നതിന് യുഎസ് ഇന്ത്യ ഓഹരി വിപണിയിലെ  ഇടിവും റിസേർവ് ബാങ്ക് ഇന്ത്യയിൽ ഇനിയും പലിശ നിരക്ക് കുറച്ചേക്കുമെന്ന അഭ്യൂഹവും കാരണമായെന്ന് ഐഎംബിസിസിഇഒയും എംഡിയുമായ സജിത്ത്  കുമാർ ചൂണ്ടിക്കാട്ടി.

25 April 2024