യാത്രക്കാർക്കിഷ്ടം ദോഹ മെട്രോ

ദോഹ:രാജ്യത്തെ ഗതാഗത മേഖലയിൽ പുതിയ വിപ്ലവത്തിന് തുടക്കമിട്ടുകൊണ്ട് ദോഹ മെട്രോ കൂടുതൽ ജനകീയമാകുന്നു.ഈദ് അവധി ദിനങ്ങളിലെ ആഘോഷങ്ങളിൽ പങ്കെടുക്കാൻ ഭൂരിഭാഗം പ്രവാസികളും തിരഞ്ഞെടുത്ത യാത്രാ മാർഗം ദോഹ മെട്രോയാണ്.വക്രയിൽ നിന്ന് കോർണിഷ്,വെസ്റ്റ് ബേ ഓഫിസുകളിൽ ജോലി ചെയ്യുന്ന കൂടുതൽ പേരും ഇപ്പോൾ ദോഹ മെട്രോ പ്രയോജനപ്പെടുത്തി തുടങ്ങി.വക്രയിൽ നിന്ന് കോർണിഷിലേക്കുള്ള ഗതാഗത കുരുക്കും വെസ്റ്റ് ബേയിൽ വാഹനങ്ങൾ പാർക്ക് ചെയ്യുന്നതിലെ ബുദ്ധിമുട്ടുമാണ് യാത്രക്കാരുടെ എണ്ണം കൂട്ടുന്നത്.സീസൺ ടിക്കറ്റു എടുത്ത് യാത്ര ചെയ്യുന്നവരാണ് കൂടുതൽ.നിലവിൽ റെഡ് ലൈനിലെ ഭാഗിക പ്രവർത്തനം ഇതിനകം പ്രയോജനപ്പെടുത്തിയത് 10 ലക്ഷത്തിലതികം പേരാണ്.മെട്രോ സ്റ്റേഷനുകളിൽ നിന്നും പ്രത്യേക നിരക്കിളവിൽ കർവ ടാക്സികളും സൗജന്യ മെട്രോ ലിങ്ക് ബസുകളും സർവീസ് നടത്തുന്നുണ്ട്.

27 July 2024