Sun , Jun 07 , 2020

ഓൺലൈൻ നാടക സംവാദം - സമാജം ഫേസ്ബുക്‌ പേജ് ലൈവിൽ.... | വിമാന സര്‍വിസ് കുറയ്ക്കണമെന്ന നിര്‍ദേശം: സംസ്ഥാന സര്‍ക്കാര്‍ നടപടി പ്രതിഷേധാര്‍ഹമെന്ന് ബഹ്‌റൈന്‍ കെ.എം.സി.സി | ഹൃസ്വചിത്രം ജാൻ‌വി പ്രദർശനത്തിന് എത്തുന്നു | ബഹ്‌റൈൻ നവകേരള മുഖ്യമന്ത്രിക്കു നിവേദനം നൽകി | ഒഐസിസി ഗ്ലോബൽ കമ്മിറ്റി യൂത്ത് കെയർലേക്ക് 5 ടിക്കറ്റുകൾ നൽകും രാജു കല്ലുംപുറം | ഇന്ത്യൻ ഓവർസീസ് കോൺഗ്രസ്സ് (IOC) ബഹ്‌റൈൻ കമ്മിറ്റി രാഹുൽ ഗാന്ധിയുടെ മണ്ഡലമായ വയനാട് 500 pp കിറ്റുകൾ വിതരണം ചെയ്തു | സമാജം ചാർട്ടേർഡ് വിമാനത്തിന് മികച്ച പ്രതികരണം | ബഹറൈൻ സെൻട്രൽ മാർക്കറ്റ് മലയാളി അസോസിയേഷന്റെ കൈതാങ്ങ് | ബഹറിൻ നവകേരള ഇന്ത്യൻ ക്ലബ്ബിന് ഭക്ഷ്യധാന്യ കിറ്റുകൾ കൈമാറി. | പെരുന്നാൾ ദിനത്തിലും ആശ്വാസമായി ഐ സി എഫ് ഭക്ഷണ വിതരണം |

സൗദിയിലെ ഇടുങ്ങിയ ബഖാലകൾക്ക് വിട.

സൗദി അറേബ്യ:സൗദിയിലെ ഇടുങ്ങിയ ബഖാലകളും സെൻട്രൽ മാർക്കറ്റുകളും മിനി മാർക്കറ്റുകളും പരിഷ്കരിക്കുന്ന എല്ലാ വ്യവസ്ഥകളും അംഗീകരിച്ചതായി സൗദി വാണിജ്യ നിക്ഷേപ മന്ത്രി  ഡോ:മാജിദ് അൽ കസബി അറിയിച്ചു.ബഖാല,മിനി മാർക്കറ്റ് മേഖലയിൽ ഏകീകൃത നിലവാരം കൊണ്ട് വരലും ബിനാമി ഇടപാടുകൾ അവസാനിപ്പിക്കലുമെല്ലാം നിയമാവലി പരിഷ്ക്കരിക്കുന്നതിലൂടെ മുനിസിപ്പൽ ഗ്രാമകാര്യ മന്ത്രാലയം ലക്ഷ്യമാക്കുന്നുണ്ട്.

പുതുതായി ആരംഭിക്കുന്ന എല്ലാ സ്ഥാപനങ്ങളും നിയമങ്ങൾ പാലിച്ചിരിക്കണം.എന്നാൽ നിലവിലുള്ള ബഖാലകൾക്കും സൂപ്പർമാർക്കറ്റുമെല്ലാം പരിഷ്‌ക്കരണം നടപ്പാക്കാൻ 2 വർഷത്തെ സമയം അനുവദിച്ചിട്ടുണ്ട്.പുതിയ നിയമാവലി അനുസരിച്ചു സ്ഥാപനങ്ങളുടെ മുൻവശം മുഴുവൻ സുതാര്യമായ ഗ്ലാസ് ഉണ്ടായിരിക്കൽ നിർബന്ധമാണ്.അകത്തു നിന്ന് പുറത്തേയ്ക്കും തിരിച്ചും നോക്കിയാൽ കാണാൻ കഴിയണം.സ്ഥാപനങ്ങൾ സ്ഥിതിചെയ്യുന്ന  കെട്ടിടങ്ങൾ സൗദി നിർമ്മാണ വ്യവസ്ഥയ്ക്ക് അനുസൃതമായിരിക്കുകയും വേണം.കടകളിൽ സൗകര്യമായി നടക്കാൻ കഴിയണം,തിങ്ങിയ രീതിയിൽ സാധനങ്ങൾ വയ്ക്കാൻ പാടില്ല,കടകളിലെ മുഴുവൻ ജീവനക്കാർക്കും യൂണിഫോം ഉണ്ടായിരിക്കണം,ട്രേഡ് മാർക്ക് ഉള്ള സ്ഥാപനങ്ങൾക്ക് പുറത്തു സ്ഥാപിച്ചിട്ടുള്ള ബോർഡുകൾക്ക് 300 സെന്റിമീറ്ററിൽ കൂടാത്ത നീളവും,80 സെന്റിമീറ്ററിൽ കൂടാത്ത ഉയരവും ഉണ്ടായിരിക്കണം.സ്വന്തമായി ട്രേഡ് മാർക്കില്ലാത്ത കടകൾക്കെല്ലാം ഏകീകൃത ബോർഡുകൾ നിലവിൽ വരും.

7 June 2020

Latest News