സൗജന്യ മെഡിക്കൽ ക്യാമ്പുമായി ബഹ്‌റൈൻ പാടൂർ അസ്സോസിയേഷൻ (ബാപ്പ )

ബഹ്‌റൈനിലെ പാടൂർ കൂട്ടായ്മ 'ബാപ്പ' യുടെ ആറാം വാർഷികത്തോടനുബന്ധിച്ചു അൽ ഹിലാൽഹോസ്പിറ്റലുമായി ചേർന്ന് ഏപ്രിൽ 19.വെള്ളിയാഴ്ച രാവിലെ 8.മുതൽ 1.മണി വരെ അൽ ഹിലാൽ അദ്‌ലിയബ്രാഞ്ചിൽ വെച്ച് സൗജന്യ മെഡിക്കൽ ക്യാമ്പ്‌  നടത്തുന്നു വെന്ന് ബാപ്പ ഭാരവാഹികൾ വാർത്ത‍ സമ്മേളനത്തിൽഅറിയിച്ചു.
രക്തസമ്മർദം, പ്രമേഹം, കൊളസ്ട്രോൾ, ലിവർ സ്ക്രീനിംഗ്, കിഡ്നി സ്ക്രീനിംഗ്, കൂടാതെ കാർഡിയോളജി,ന്യൂറോളജി, യൂറോളജി, ഗ്യാസ്‌ട്രോഎൻഡ്രോളജി, ഡന്റൽ, പീഡിയാട്രിക്, ഗൈനക്കോളജി, ഒപ്താൽമോളജി,ഇ.ൻ.ടി. തുടങ്ങിയ കൺസൾട്ടേഷനും ,ബ്ലഡ്‌ റിസൾട്ട് കാണിക്കുവാൻ ഫ്രീകൺസൾട്ടേഷനും സ്ത്രീകള്ക്കുംകുട്ടികൾക്കും  അടക്കം വിപുലമായ  സൗകര്യങ്ങൾ ആണ് ഒരുക്കിയിട്ടുള്ളത്. 
പലവിധത്തിലുമുള്ള  അസുഖങ്ങൾ കാരണവും  ജീവിത ശൈലീ രോഗങ്ങൾ കൊണ്ടും മാനസിക സമ്മർദ്ദങ്ങൾകൊണ്ടും നിരവധി പ്രവാസികളാണ് പ്രയാസങ്ങൾ  നേരിടുന്നത്. ഈയടുത്തായി ചെറുപ്പക്കാർക്ക് പോലും ജീവൻനഷ്ടപെടുന്ന അവസരങ്ങൾ വരെയുണ്ടായി കൊണ്ടിരിക്കുന്നു. ഈ സന്ദർഭത്തിലാണ് വിപുലമായൊരു മെഡിക്കൽക്യാമ്പ് നടത്തുവാൻ ഞങ്ങൾ തയ്യാറായത്. ആരോഗ്യരംഗത്ത് ബോധവൽക്കരണവും സഹായങ്ങളും വളരെഅത്യാവശ്യമാണെന്ന തിരിച്ചറിവാണ് കുടുംബങ്ങൾക്കടക്കം  പങ്കെടുക്കാവുന്ന രീതിയിൽ ഒരു ക്യാംപിനു “ബാപ്പ”വിഭാവനം   ചെയ്തത്.പങ്കെടുക്കുന്ന മുഴുവൻ പേർക്കും അൽ ഹിലാൽ സ്‌പെഷ്യൽ പ്രിവിലേജ് കാർഡ് വിതരണം ചെയ്യുന്നതാണ്.

വാർത്താ സമ്മേളനത്തിൽ ബാപ്പ ജനറൽ സെക്രട്ടറി അഷ്‌റഫ്‌ പാടൂർ, പ്രസിഡന്റ്‌ അഷ്‌റഫ്‌ എൻ. കെ., റഫീക്ക്അബ്ദുള്ള, റഫീക്ക് അഹമ്മദ്,സാദിക്ക് തങ്ങൾ, ഹിജാസ് അൽ ഹിലാൽ ഹോസ്പിറ്റൽ ബ്രാഞ്ച് ഹെഡ് ലിജോ,എന്നിവർ വാർത്ത‍ സമ്മേളനത്തിൽ പങ്കെടുത്തു.