Thu , Jul 02 , 2020

സമാജം സൗജന്യ വിമാന യാത്രക്ക് അപേക്ഷകൾ ക്ഷണിക്കുന്നു .... | പഠനം രസകരമാക്കി ഇന്ത്യൻ സ്‌കൂൾ റിഫ കാമ്പസിലെ കുരുന്നുകൾ | സംസ്കൃതി ബഹ്‌റിനും, കേരള സോഷ്യൽ ആൻഡ് കൾചറൽ അസോസിയേഷനും ചേർന്ന്ചാർട്ടേർഡ് ചെയ്ത വിമാനം കൊച്ചിയിലേക്ക് പറന്നു | ഇന്ത്യൻ ക്ലബ് ബഹ്‌റൈനിൽ വീണ്ടും ചരിത്രം സൃഷ്ടിച്ചു. | കൊച്ചിൻ കലാഭവൻ ബഹറിൻ ഫ്രാഞ്ചൈസി ഐമാക് ബഹറിൻ മീഡിയ സിറ്റി -ക്ക്...സമ്മർ ക്ലാസുകൾ ആരംഭിക്കുന്നു .. | നിർധനർക്ക് സമാജം സൗജന്യ വിമാനയാത്രയൊരുക്കുന്നു | ഹ്രസ്വചിത്രം ഫോഗ് റീലിസിനൊരുങ്ങുന്നു | ജൂൺ 20: ഇന്ത്യൻ സോഷ്യൽ ഫോറം വഞ്ചന ദിനം ആചരിക്കുന്നു . | കോവിഡ് പരിശോധന - ഒഐസിസി ഹൈകോടതിയിലേക്ക് | ട്രംപറ്റിന്റെ സ്വരങ്ങളാൽ തീർത്ത പോളിന്റെ  പുഞ്ചിരിയെ അയവിറക്കി സംഗീത ലോകം |

യുഎയിൽ പ്രായം കൂടിയാലും ഇനി തൊഴിൽ കരാർ പുതുക്കാം

യുഎഇ:ഗാർഹിക തൊഴിലാളികൾക്ക് പ്രായം കൂടിയാലും ആരോഗ്യമുണ്ടെങ്കിൽ 60 വയസിനു ശേഷവും തൊഴിൽ കരാർ പുതുക്കിക്കിട്ടാൻ വഴിയൊരുങ്ങുന്നു.നിബന്ധനകൾക്ക് വിധേയമായി മാത്രമാണ് ഈ അനുമതി നൽകുകയുള്ളവെന്നും യു.എ.ഇ മാനവവിഭവശേഷി സ്വദേശിവത്കരണ മന്ത്രാലയം വ്യക്തമാക്കി.
സമ്പൂർണ ആരോഗ്യവാനാണെന്ന് സർക്കാർ അംഗീകൃത ഏജൻസി പരിശോധിച്ച് നൽകുന്ന സർട്ടിഫിക്കറ്റാണ് ഇതിൽ പരമപ്രധാനം. ഗാർഹിക ജീവനക്കാരുടെ വൈദ്യപരിരക്ഷാ ചെലവുകൾ പൂർണമായും വഹിക്കാൻ തൊഴിലുടമ സന്നദ്ധമായിരിക്കണം,താമസ വിസ തുടരുവാൻ അംഗീകൃത ഏജൻസികളിൽ നിന്ന് അനുമതി നേടണം എന്നിവയാണ് മുഖ്യ നിബന്ധനകൾ.വർഷങ്ങളായി സേവനം നൽകി വരുന്ന ജീവനക്കാരെ നിലനിർത്താൻ സൗകര്യമൊരുക്കണമെന്ന് തൊഴിലുടമകളും കുടുംബാംഗങ്ങളും നിരന്തരമായി ആവശ്യം ഉന്നയിച്ചതിനെ തുടർന്നാണ് ഈ തീരുമാനമെന്ന് മന്ത്രാലയത്തിലെ ഗാർഹിക തൊഴിൽ വിഭാഗം അസി.അണ്ടർ സെക്രട്ടറി ഖലീൽ ഖൂരി പറഞ്ഞു.യു.എ.ഇയിൽ നിന്ന് ജോലിക്കെടുത്തവരും മൂന്നു മാസത്തിനകം തൊഴിൽ കരാറുകൾ കാലഹരണപ്പെട്ടവരുമായ തൊഴിലാളികളുടെ വിസ പുതുക്കലിൽ മാത്രമാണ് ഈ പരിഷ്കരണം ബാധകമാവുക.വീട്ടുജോലിക്കാർ,സ്വകാര്യ നാവികർ,വാച്ച്മാൻ, സെക്യൂരിറ്റി ഗാർഡ്,ഇടയൻ,പാർക്കിങ് തൊഴിലാളി,വീട്ടിലെ കുതിര പരിപാലകർ,ഫാൽക്കൻ പരിശീലകർ,സ്വകാര്യ കോച്ച്,അധ്യാപകർ, ആയ,വീടുകളിലെ കൃഷിത്തൊഴിലാളികൾ,തോട്ടക്കാർ,സ്വകാര്യ നഴ്സ്, സ്വകാര്യ പി.ആർ.ഒ,പാചകക്കാർ തുടങ്ങിയവരെയെല്ലാം ഇത്തരത്തിൽ നിലനിർത്താനാവും.തദ്ബീർ സേവന കേന്ദ്രങ്ങൾ മുഖേന ഇവരുടെ വിസ സേവനങ്ങൾ പൂർത്തിയാക്കാനാവും.

 

 

 

 

2 July 2020

Latest News