അവസാന ഹജ്ജ് വിമാനം ഇന്ന് ഇറങ്ങും

ജിദ്ദ:ഈ വർഷത്തെ ഹജ്ജ് തീർത്ഥാടകരുമായി എത്തുന്ന അവസാന വിമാനം ജിദ്ദ കിംഗ് അബ്ദുൽ അസീസ് രാജ്യാന്തര വിമാനത്താവളത്തിൽ ഇന്ന് ഇറങ്ങുന്നതായിരിക്കുമെന്ന് ജനറൽ അതോറിറ്റി ഓഫ് സിവിൽ ഏവിയേഷൻ അറിയിച്ചു.തിരിച്ചുള്ള യാത്ര തുടങ്ങുന്നത് ഈ മാസം 14 (ദുൽ ഹിജ്ജ 13)നായിരിക്കും.14നു ആഭ്യന്തര തീർത്ഥാടകർ,15നു ജിസിസി രാഷ്ട്രങ്ങളിൽ നിന്നെത്തിയവർ,16നു മറ്റു രാഷ്ടങ്ങൾ എന്നിങ്ങനെയാണ് തിരിച്ചു യാത്ര തുടങ്ങുക.ഇത് സെപ്റ്റംബർ 15(മുഹറം15)വരെ നീളും.ജിദ്ദ വിമാനത്താവളങ്ങളിൽ ഹാജിമാരുടെ തിരിച്ചുള്ള യാത്രയ്ക്ക് വിപുലമായ സൗകര്യങ്ങളാണ് ഒരുക്കിയിട്ടുള്ളത്.14 പ്രത്യേക ഡിപാർചർ ലോഞ്ചുകളും 208 പാസ്പോർട്ട് കൗണ്ടറുകളും സജ്ജീകരിച്ചിട്ടുണ്ട്.  

തീർത്ഥാടകരുടെ ബഗേജുകൾ കൈകാര്യം ചെയ്യുന്നതിനും കുറ്റമറ്റ സംവിധാനങ്ങൾ ഒരുക്കിയിട്ടുണ്ടെന്ന് അധികൃതർ വ്യക്തമാക്കി.1604171 പുറമെയുള്ള തീർത്ഥാടകരാണ് ഇതുവരെ വിവിധ രാജ്യങ്ങളിൽ നിന്നായി മക്കയിലെത്തിയത്.രണ്ടു ലക്ഷം ഹാജിമാർക്കാണ്  ഇത്തവണ ഇന്ത്യയിൽ നിന്ന് ഹജ്ജിനു അവസരം ലഭിച്ചത്.ഇതിൽ 1,40,000  പേർ ഹജ്ജ് കമ്മറ്റി വഴിയും 60,000 തീർത്ഥാടകർ സ്വകാര്യ ഗ്രൂപ്പുകൾ വഴിയുമാണ് ഹജ്ജിനുള്ളത്.ഞായറാഴ്ച  വരെ 490 വിമാനങ്ങളൊളായി 135061 ഇന്ത്യൻ തീർത്ഥാടകരാണ് പുണ്യഭൂമിയിലെത്തിയത്.ഈ മാസം 17നാണ് ഇന്ത്യയിൽ നിന്നുള്ള ആദ്യ സംഘം നാട്ടിലേക്ക് മടങ്ങുക.കേരളത്തിൽ നിന്ന് കോഴിക്കോട് വിമാനത്താവളം വഴി നേരത്തെ എത്തിയവർ 17 മുതലും കൊച്ചിയിൽ നിന്ന് എത്തിയവർ 29  മുതലുമാണ് മടക്കം.

29 January 2025