മികച്ച ആതിഥേയനായി ഖത്തർ

ദോഹ:മധ്യപൂർവ ദേശത്തെ ഏറ്റവും മികച്ച ആതിഥേയ മേഖലകളിൽ ഒന്ന് ഖത്തറിന്റേതാണെന്ന് പ്രമുഖ റിയൽ എസ്റ്റേറ്റ് കമ്പനിയായ അൽ അസ്മക്ക് പുറത്തുവിട്ട പുതിയ സർവേ റിപ്പോർട്ട്.ഉപഭോക്ത്യ സൗഹൃദ സാങ്കേതിക വിദ്യകൾ പ്രയോജനപ്പെടുത്തുന്ന പുതിയ ഹോട്ടലുകളുടെ വരവാണ് ഖത്തറിനെ മുന്നിലെത്തിച്ചത്.നിലവിൽ രാജ്യത്ത് ത്രീ സ്റ്റാർ മുതൽ പഞ്ചനക്ഷത്ര ഉൾപ്പെടെ 132 ഹോട്ടലുകളായി 26,700 മുറികളുണ്ട്.2018 ഏപ്രിൽ 1 മുതൽ മാർച്ച് 31 വരെ 1.2 കോടി ഓൺലൈൻ വിലയിരുത്തലുകളുടെ അടിസ്ഥാനത്തിനാണ് പുതിയ സർവേ.ത്രീ സ്റ്റാർ മുതൽ പഞ്ചനക്ഷത്ര ഹോട്ടലുകളും ബജറ്റ് ഹോട്ടലുകളും ഉൾപ്പെടെയുള്ള മുറികളുടെ എണ്ണം 28,000 ആണ്.നിർമാണത്തിൽ ഉള്ള 13 ആഡംബര ഹോട്ടലുകളുംകൂടി പ്രവർത്തനക്ഷമമാകുന്നതോടെ 2,935 മുറികൾ കൂടി ലഭിക്കും.ഖത്തർ ദേശിയ ടൂറിസം കോയൻസിലിന്റെ വേനലാഘോഷം ഉൾപ്പെടെയുള്ള ആഘോഷങ്ങളാണ് ആതിഥേയ മേഖലകൾക്ക് ഗുണം ചെയ്യുന്നത്.

3 December 2024