കുവൈറ്റിൽ കുടുംബവിസ പുതുക്കാനുള്ള ശമ്പള പരിധി വർധിപ്പിച്ചു

കുവൈറ്റ് സിറ്റി: രാജ്യത്തെ വിദേശികളുടെ എണ്ണം കുറയ്ക്കുക എന്ന ലക്ഷ്യവുമായി കുവൈറ്റിൽ കുടുംബ വിസ പുതുക്കുന്നതിനുള്ള ചുരുങ്ങിയ ശമ്പളപരിധി സർക്കാർ ഉയർത്തി.ആഭ്യന്തര മന്ത്രി ഷെയ്ഖ് ഖാലിദ് അൽ ജറാഹിന്റെ ഉത്തരവ് പ്രകാരം കുറഞ്ഞ ശമ്പള പരിധി 450 ദിനാറിൽ നിന്ന് 500 ദിനാറായാണ് ഉയർത്തിയത്.2016 ലായിരുന്നു അവസാനമായി കുവൈറ്റ് കുടുംബ വിസ ലഭിക്കുന്നതിനുള്ള കുറഞ്ഞ ശമ്പളപരിധി 250 ദിനാറിൽ നിന്ന് 450 ദിനാറായി ഉയർത്തിയത്. എന്നാൽ ഈ സമയത്ത് കുടുംബത്തെ കൊണ്ടുവന്ന മലയാളികൾ അടക്കമുള്ള നിരവധി വിദേശികൾ ഇപ്പോഴും രാജ്യത്ത് കഴിയുന്നുണ്ട്.പുതിയ നിബന്ധന ഏറെ ദോഷകരമായി തന്നെ ഇവരെ ബാധിക്കുന്നുമുണ്ട്.അതേസമയം,പുതിയ ഉത്തരവ് അനുസരിച്ച്  അധ്യാപകർ,നിയമ സാമ്പത്തിക ഉപദേഷ്ടാക്കൾ,മാധ്യമ പ്രവർത്തകർ,എൻജിനീയർമാർ, ഡോക്ടർസ്,നഴ്സുമാർ,കായിക പരിശീലകർ,കായിക താരങ്ങൾ,പൈലറ്റുമാർ എന്നിവരെ ഒഴിവാക്കിയിട്ടുണ്ട്.

26 April 2024