സൗദി രാജ്യാന്തര കയറ്റുമതിയിൽ വൻ വർദ്ധനവ്

സൗദി അറേബ്യ:രാജ്യാന്തര കയറ്റുമതിയിൽ വൻ വർദ്ധനവ് രേഖപ്പെടുത്തി സൗദി അറേബ്യ.ജനറൽ അതോറിറ്റി ഫോർ സ്റ്റാറ്റിസ്റ്റിക്‌സ് പുറത്തിറക്കിയ റിപ്പോർട്ടിൽ കഴിഞ്ഞ വർഷം രാജ്യത്തെ കയറ്റുമതി ഒരു ട്രില്യൺ റിയാൽ കവിഞ്ഞിരുന്നു.  ഇക്കൊല്ലം അത് മുപ്പത്തിരണ്ട് ശതമാനം വളർച്ചയാണ് രേഖപ്പെടുത്തിയിട്ടുള്ളത്.മൊത്തം അഞ്ചുലക്ഷത്തി ഒൻപതിനായിരത്തി എഴുന്നൂറ്  ടൺ ഉൽപന്നങ്ങളാണ് കയറ്റുമതി ചെയ്‌തത്‌.രാജ്യത്ത് നിർമിച്ച എണ്ണയിതര ഉൽപന്നങ്ങളാണ് ഇവ.ഏറ്റവും കൂടുതൽ കയറ്റുമതി നടന്നിരിക്കുന്നത് ചൈനയിലേക്കാണ്.ആകെ കയറ്റുമതിയുടെ 13.3 ശതമാനവും ചൈനയിലേക്കാണ്.ജപ്പാനും,ഇന്ത്യയും  യഥാക്രമേണ രണ്ടും മൂന്നും സ്ഥാനത്താണ്.98.6 കോടി റിയാലിന്റെ ഉൽപന്നങ്ങളാണ് ഇന്ത്യയിലേക്ക് മാത്രം കയറ്റുമതി ചെയ്തത്.മറ്റു ഗൾഫ് രാജ്യങ്ങളിലേക്കുള്ള കയറ്റുമതിയിൽ മുൻ വർഷത്തേക്കാൾ 9.2 ശതമാനം വർധനവവും രേഖപ്പെടുത്തി.

22 October 2024