കേരളത്തിലെ പ്രളയം;പ്രവാസികൾ ആശങ്കയിൽ

കുവൈറ്റ് സിറ്റി:കേരളത്തിലെ പ്രളയം ഗൾഫ് നാടുകളിലെ മലയാളികൾ ആശങ്കയിൽ.ഉറ്റവരെയോർത്ത് നെടുവീർപ്പോടെ ഓരോ പ്രവാസിയും നാട്ടിൽ നിന്നുള്ള വാർത്തകൾക്കായി കാത്തിരിക്കുകയാണ്.കനത്ത മഴയെയും കാറ്റിനെയും തുടർന്ന് നാട്ടിൽ ഭൂരിഭാഗം പ്രദേശങ്ങളിലും വൈദ്യുതി തകരാറിലാണ്. അതുകൊണ്ടു തന്നെ പലർക്കും ബന്ധുക്കളുമായി ആശയ വിനിമയം നടത്താൻ പറ്റാത്ത സാഹചര്യമാണ്.ഇതിനിടെ പെരുനാൾ ആഘോഷിക്കാൻ നാട്ടിലേക്ക് പുറപ്പെട്ട പലർക്കും യാത്ര മുടങ്ങുകയോ വീട്ടിൽ എത്താൻ പറ്റാത്ത സാഹചര്യവുമാണ്.കൊച്ചി വിമാനത്താവളം അടച്ചിട്ടതോടെ കഴിഞ്ഞ ദിവസം കുവൈറ്റിൽ നിന്നും കൊച്ചിയിലേക്ക് പുറപ്പെടേണ്ടിയിരുന്ന കുവൈറ്റ് എയർ വെയ്‌സ് വിമാനം യാത്ര റദ്ദാക്കിയിരുന്നു.ടിക്കറ്റ് ബുക്ക് ചെയ്‌തവരുടെ യാത്ര അനശ്ചിതമായി നീളുകയാണ്.ഇതിൽ കോഴിക്കോട് പോകേണ്ടിയിരുന്ന എയർ ഇന്ത്യ എസ്പ്രസ്സിലും ചില കണക്ഷൻ ഫ്ലൈറ്റുകളെയും മോശം കാലാവസ്ഥയെ  തുടർന്ന് തിരുവനതപുരത്താണ് ഇറങ്ങിയത്.അവധി ആയതിനാൽത്തന്നെ കനത്ത ചാർജ് നൽകി ടിക്കറ്റ്  എടുത്തവരാണ് ഇവരിൽ പലരും.നാട്ടിലെത്താനും അവിടുത്തെ വിവരങ്ങൾ അറിയാനും കഴിയാതെ ഏറെ ആശങ്കയിൽ ആയിരിക്കുകയാണ് ഗൾഫ് മലയാളികൾ.

20 April 2024