ലോകമാകെ കോവിഡ് ഭീതി അപ്രതീക്ഷിതമാം വിധം പടർന്നു പിടിക്കുന്ന ഈ സാഹചര്യത്തിൽ പൊതു ജനങ്ങൾ പുറത്തിറങ്ങാതെയും കടകളൊക്കെ നാമമാത്രമായി തുറക്കുകയും മാത്രം ചെയ്യുമ്പോൾ തൊഴിലും വരുമാനവും ഇല്ലാതാകുകയും ഭക്ഷണങ്ങൾക്കു പോലും ഇടത്തരക്കാർ വരെ വിഷമിക്കുകയും ചെയ്യുന്ന ഈ സാഹചര്യത്തിൽ അത്യാവശ്യക്കാരായ ആളുകൾക്ക് ഭക്ഷണ സാധനങ്ങൾ അടങ്ങുന്ന നാനൂറോളം കിറ്റുകൾ അവരുടെ പടിവാതിൽക്കൽ എത്തിച്ചു കൊടുത്ത ആദ്യ ഘട്ടത്തിന്  ശേഷം വിഷമിക്കുന്നവരും ആവശ്യക്കാരും ഇനിയുമേറെയുണ്ടെന്ന് കണ്ട്  ഫ്രണ്ട്‌സ് ഓഫ് ബഹ്‌റൈൻ ഒരു വിളിപ്പാടകലെ ഞങ്ങളും എന്ന പേരിൽ ബഹ്‌റൈന്റെ വിവിധ ഭാഗങ്ങളിലായി നടത്തി വന്ന  കിറ്റു വിതരണങ്ങളുടെ  രണ്ടാം ഘട്ടം വിതരണം തുടങ്ങിയതായി ഭാരവാഹികളായ എഫ്. എം. ഫൈസൽ, റീനാ രാജീവ്‌ എന്നിവർ അറിയിച്ചു. ഹൂറ ഭാഗത്ത് രണ്ടോളം മാസങ്ങളായി ശമ്പളം ലഭിക്കാത്ത ഇരുപത്തേഴോളം ഹോട്ടൽ തൊഴിലാളികൾക്കും മറ്റൊരു സ്ഥാപനത്തിലെ പതിനഞ്ചോളം തൊഴിലാളികൾക്കും ഭക്ഷണ  കിറ്റുകൾ എത്തിച്ചു കൊടുത്തു. എബ്രഹാം ജോൺ രക്ഷാധികാരിയായും,ജെ.രാജീവൻ,ജസ്റ്റിൻ ഡേവിസ്, ഷൈജു കമ്പത്ത്,  ജ്യോതിഷ് പണിക്കർ,ഷാജി, സിംല ജാസിം, ജാസിം ഖാൻ, ഖാദർ ഫൈസൽ എന്നിവർ ബഹ്‌റൈന്റെ വിവിധ ഭാഗങ്ങളിൽ കിറ്റുകൾ എത്തിക്കുകയും ചെയ്തു വരികയാണ്.