കേന്ദ്ര ബജറ്റ് നിര്‍ദേശം പ്രവാസികള്‍ക്ക് ഇരുട്ടടിയാണെന്ന് ബഹ്‌റൈന്‍ പ്രതിഭ പ്രസ്്താവനയില്‍ പറഞ്ഞു

പ്രവാസി വരുമാനത്തിന് ആദായ നികുതി ഏര്‍പ്പെടുത്താനും എന്‍ആര്‍ഐ പദവി നിബന്ധനയതില്‍ മാറ്റം വരുത്താനുമുള്ള കേന്ദ്ര ബജറ്റ് നിര്‍ദേശം പ്രവാസികള്‍ക്ക് ഇരുട്ടടിയാണെന്ന് ബഹ്‌റൈന്‍ പ്രതിഭ പ്രസ്്താവനയില്‍ പറഞ്ഞു. ഗള്‍ഫിലെ ഭൂരിപക്ഷം വരുന്ന സാധാരണക്കാരനെപോലും സാരമായി ബാധിക്കുന്നതാണ് ബജറ്റ് നിര്‍ദേശങ്ങള്‍. പ്രവാസികള്‍ക്ക് ഒരു ആനുകൂല്യവും നല്‍കാത്ത സര്‍ക്കാരാണ് ഇന്ത്യ ഭരിക്കുന്നത് ഭരണത്തില്‍ വന്ന ഉടനെ പ്രവാസി വകുപ്പ് തന്നെ എടുത്തുകളയുകയായിരുന്നു മോഡി ചെയ്തത്. രാജ്യത്തിന് ഏറ്റവും കൂടുതല്‍ വിദേശ നാണ്യം നല്‍കി രാജ്യത്തിന്റെ സമ്പദ്‌വ്യവസ്ഥക്ക് താങ്ങായ പ്രവാസികള്‍ക്കു ഒരു ക്ഷേമ പദ്ധതിപോലും ബജറ്റില്‍ ഇടം കണ്ടില്ലെന്നത് അങ്ങേയറ്റം പ്രതിഷേധാള്‍മാണ്.
കഠിനാധ്വാനത്തിലൂടെ സമ്പാദിക്കുന്ന പണം ജന്മനാട്ടിലേക്ക് കൊണ്ടുവരുന്ന സാധാരണക്കാരായ പ്രവാസികളെ ബുദ്ധിമുട്ടിക്കാനാണ് കേന്ദ്ര സര്‍ക്കാര്‍ ശ്രമമെന്ന് സംശയിക്കേണ്ടിയിരിക്കുന്നു. ഗള്‍ഫ് രാജ്യങ്ങളിലെ പ്രവാസി മലയാളികള്‍ അയക്കുന്ന പണമാണ് കേരളത്തിന്റെ സമ്പദ്‌വ്യവസ്ഥായ്ക്കും കൈത്താങ്ങാകുന്നത്. പുതിയ നിര്‍ദേശം കേരള സമ്പദ വ്യവസ്ഥയെയും പ്രതികൂലമായി ബാധിക്കുമെന്ന് പ്രതിഭ പ്രസിഡന്റ് കെഎം സതീഷും ജനറല്‍ സെക്രട്ടറി ലിവില്‍ കുമാറും പ്രസ്താവനയില്‍ പറഞ്ഞു.

28 April 2024