ദുബായിലെ ടാക്സികളിൽ ഇനി നിരീക്ഷണ ക്യമാറകൾ

ദുബായ്:എമിറേറ്റിലെ എല്ലാ ടാക്സികളും നിരീക്ഷണ ക്യാമറകൾ സ്ഥാപിക്കുന്നു.ഡ്രൈവർമാരുടെ നിയമലംഘനങ്ങളും മോശം പെരുമാറ്റവും ഒഴിവാക്കി യാത്രക്കാരുടെ സുരക്ഷ കൂടുതൽ ഉറപ്പ് വരുത്താനുള്ള ശ്രമങ്ങളുടെ ഭാഗമായാണ് പുതിയ നടപടി.2017 മുതൽ തന്നെ ആർ.ടി.ഐ ടാക്സികളിൽ നിരീക്ഷണക്യാമറകൾ ഘടിപ്പിച്ചു തുടങ്ങി ഇരുന്നു.ഇതുവഴി ഡ്രൈവറുടെ പെരുമാറ്റത്തിൽ അസ്വാഭാവികതയോ യാത്രക്കാരുമായി വാക്കു തർക്കമോ ഉണ്ടാവുകയാണെങ്കിൽ വിവരങ്ങൾ അപ്പോൾത്തന്നെ കണ്ട്രോൾ റൂമിന്റെ ശ്രദ്ധയിൽ എത്തിക്കാൻ സാധിക്കും.തത്സമയ നിരീക്ഷണത്തിനു പുറമെ ഈ ക്യാമറകളിൽ നിന്നുള്ള ദൃശ്യങ്ങൾ സൂക്ഷിച്ച്‌ വെയ്ക്കുകയും ചെയ്യും.ഉറപ്പുവരുത്താനുള്ള ശ്രമങ്ങളുടെ ഭാഗമായാണ് നടപടി.ദുബായിലെ 10,684 ടാക്സികളിൽ സ്ഥാപിച്ചിരിക്കുന്ന നിരീക്ഷണക്യാമറകൾ ഉപഭോക്താവിന് മികച്ച സേവനം ഉറപ്പാക്കുന്നതിന് സഹായിക്കുമെന്ന് ആർ.ടി.എ പൊതുഗതാഗത ഏജൻസി ഡയറക്ടർ ഖാലിദ് അൽ അവാദി പറഞ്ഞു.ജനങ്ങളുടെ സന്തോഷം ഉറപ്പുവരുത്തുകയാണ് തങ്ങളുടെ ലക്ഷ്യമെന്ന് അൽ അവാദി പറഞ്ഞു.

2 December 2023