മനുഷ്യക്കടത്ത് ഇരകൾക്ക് അഭയമായി ഖത്തർ

ദോഹ:മനുഷ്യക്കടത്തിന് ഇരയാകുന്നവർക്ക് അഭയം നൽകാൻ പ്രത്യേക താമസ സൗകര്യം ഒരുക്കുകയാണ് ഖത്തർ.മഅമൂറയിൽ മാനവിക സംരക്ഷണ കേന്ദ്രങ്ങൾ എന്ന പേരിൽ സജ്ജമാക്കിയിരിക്കുന്ന ആറു വില്ലകളിൽ രണ്ടെണ്ണം പൊതുസേവനങ്ങൾക്കുള്ളതായിരിക്കും.പൂർണ്ണമായും ഫർണിഷ് ചെയ്ത വില്ലയിൽ 52 പേർക്ക് താമസിക്കാനുള്ള സൗകര്യം ഒരുക്കിയിട്ടുണ്ട്.   

മനുഷ്യക്കടത്തിനെതിരെ പോരാടുന്ന ദേശിയ സമിതി(എൻസിസിഎച്ച്ടി)യുടെ നേതൃത്വത്തിൽ മാനവിക സംരക്ഷണ കേന്ദ്രങ്ങളെന്ന പേരിലാണ് വില്ലകൾ തുറന്നത്.മനുഷ്യക്കടത്തിന് ഇരയാകുന്നവർക്ക് ആവശ്യമായ സഹായവും സുരക്ഷയും ഈ കേന്ദ്രത്തിൽ നിന്ന് ലഭിക്കുന്നതാണ്.ഇവരുടെ പുനരധിവാസവും നാട്ടിലേക്ക് മടങ്ങുംവരെയുള്ള തൊഴിൽ സൗകര്യവും ഒരുക്കുന്നതായിരിക്കും.

ലോക മനുഷ്യക്കടത്തു ദിനത്തോടനുബന്ധിച്ചാണ് വില്ലയുടെ  ഉത്ഘാടനം നടന്നത്.എൻസിസിഎച്ച്ടി വെബ്സൈറ്റ് വഴിയോ അല്ലെങ്കിൽ സാധരണ ക്രിമിനൽ പരാതിയായോ ഇരകൾക്ക് പരാതി സമർപ്പിക്കാവുന്നതാണ്.പോരാട്ടത്തിൽ പ്രത്യേക ശ്രദ്ധ പതിപ്പിക്കുന്ന രാജ്യമാണ് ഖത്തറെന്നു ഹസൻ അൽ ഉബൈദലി പറഞ്ഞു.മനുഷ്യക്കടത്ത്,നിർബന്ധിത തൊഴിൽ,ബാലവേല എന്നിവയ്ക്കെതിരെ മേഖലാ തലത്തിൽ നടക്കുന്ന എല്ലാ നീക്കങ്ങൾക്കും ഖത്തർ പിന്തുണ നൽകുന്നുണ്ടെന്നും,2011ൽ  നടപ്പാക്കിയ മനുഷ്യക്കടത്തിനെതിരായ നിയമവും 2015ൽ സ്പോൺസർഷിപ് സംവിധാനം റദ്ദാക്കിയതും ഇക്കാര്യത്തിലുള്ള ഖത്തറിന്റെ ശ്രദ്ധേയമായ ചുവടു വയ്പ്പുകളാണെന്നും അദ്ദേഹം ചൂണ്ടിക്കാട്ടി.

28 April 2024