ബലിപെരുനാൾ പ്രമാണിച്ചു 669 തടവുകാർക്കു മോചനം

ദുബായ്:ബലിപെരുനാൾ പ്രമാണിച്ചു 669 തടവുകാരെ മോചിപ്പിക്കാൻ യു.എ.ഇ പ്രസിഡന്റ് ശൈഖ് ഖലീഫ ബിൻ സായിദ് അൽ നഹ്യാൻ ഉത്തരവിട്ടു.വിവിധ രാജ്യക്കാരായ ജയിൽപുള്ളികൾക്കാണ് മോചനം ലഭിച്ചത്.പലതരം കുറ്റകൃത്യങ്ങൾക്ക് ശിക്ഷ ലഭിച്ചു ജയിലിൽ കഴിയുന്ന ഇവർക്ക് ബലിപെരുന്നാളിന്റെ മഹത്തായ സന്ദേശം മുൻനിർത്തി തെറ്റായ മാർഗത്തിൽ നിന്ന് പുറത്തുകടന്ന് കുടുംബത്തിനൊപ്പം നന്മയുടെ പുതിയൊരു ജീവിതം നയിക്കാൻ അവസരമൊരുക്കുകയാണ് ലക്ഷ്യം.ഇക്കഴിഞ്ഞ റംസാനിൽ പൊതുമാപ്പ് നൽകി 3005 തടവുകാരെയാണ് മോചിപ്പിച്ചത്.മതപരമായ അവധിദിവസങ്ങളിലും മറ്റും യു.എ.ഇ ഭരണാധികാരികൾ നൂറുകണക്കിന് തടവുകാർക്കാണ് പൊതുമാപ്പ് നൽകി വിട്ടയയ്ക്കാറുള്ളത്.

11 December 2024