Sun , Aug 09 , 2020

കെ.പി.എ വനിതാ വിഭാഗത്തിന്റെ നേതൃത്വത്തിൽ സംഘടിപ്പിക്കുന്ന കിഡ്സ് ഡേ, മോട്ടിവേഷൻ ഡേ, ഹെൽത്ത് ഡേ എന്നിവയ്ക്ക് തുടക്കമായി | ഇന്ത്യൻ സോഷ്യൽ ഫോറം രക്തദാന, ക്യാമ്പ്, പ്ലാസ്മ ദാന ക്യാമ്പ് സംഘടിപ്പിച്ചു. | ഐ സി‌ ആർ ‌എഫ് തൊഴിലാളികൾക്ക് കുപ്പിവെള്ളവും പഴങ്ങളും ഈദ് നോടനുബന്ധിച്ചു ബിരിയാണി പൊതികളും വിതരണം ചെയ്തു | ഇന്ത്യയിലെ പ്രശസ്തമായ വിദ്യഭ്യാസ സ്ഥാപനമായ കേരളത്തിലെ തൃശൂർ IES എജുക്കേഷൻ സിറ്റിക്ക് അഭിമാന നിമിഷം | ഫ്രന്റ്സ് സോഷ്യൽ അസോസിയേഷൻ ഈദ് കുടുംബ സംഗമം സംഘടിപ്പിച്ചു | പെരുന്നാൾ ഭക്ഷ്യ വിഭവകിറ്റുകൾ ഫ്രന്‍റ്സ് അസോസിയേഷന് കൈമാറി | BKSF സംഘടിപ്പിച്ച ഓൺലൈൻ പെരുന്നാൾ സംഗമത്തിൽ ഒട്ടേറെ സാമൂഹ്യ പ്രവർത്തകർ പങ്കെടുത്തു. | കെ.എം.സി.സി ബഹ്‌റൈന്‍ മുഹമ്മദലി ശിഹാബ് തങ്ങള്‍ അനുസ്മരണം നാലിന് | ഫ്രൻറ്സ് അസോസിയേഷന്‍ ഈദ് ആശംസകള്‍ നേര്‍ന്നു | മലയാളം മിഷൻ പ്രവേശനോത്സവം |

ദമ്മാമിൽ നിന്ന് കണ്ണൂരിലേക്ക് ഇനി ഗോ എയർ നേരിട്ട് സർവീസ്‌ നടത്തും

ദമ്മാം:കിഴക്കൻ പ്രവിശ്യയിലെ ആയിരക്കണക്കിന് പ്രവാസികൾക്ക് പ്രതീക്ഷ നൽകി പ്രമുഖ വിമാനക്കമ്പനിയായ ‘ഗോ എയർ’ ദമാമിൽ നിന്ന് കണ്ണൂരിലേക്ക് നേരിട്ട് സർവീസ്‌ ആരംഭിക്കുന്നു.‘ഗോ എയർ’ ഇൻറർനാഷനൽ ഓപറേഷൻ സീനിയർ ജനറൽ മാനേജർ ജലീൽ ഖാലിദാണ് ഇക്കാര്യം അറിയിച്ചത്.കാസർകോട്,കോഴിക്കോട്,വയനാട്, മംഗലാപുരം തുടങ്ങി വിവിധ ജില്ലക്കാർക്കും സമീപ സംസ്ഥാനക്കാർക്കും ഇത് കൂടുതൽ പ്രയോജനപ്രദമാകും.ഈ മാസം 19 മുതൽ സർവീസ്‌ ആരംഭിക്കും.തുടക്കത്തിൽ ആഴ്ചയിൽ നാല് സർവീസുകളാണ്‌.തിങ്കൾ,ബുധൻ,വ്യാഴം,ശനി ദിവസങ്ങളിൽ രാവിലെ 9.55 ന്‌ ദമാമിൽ നിന്ന് പുറപ്പെട്ട് പ്രാദേശിക സമയം വൈകിട്ട് 5 ന് കണ്ണുരിൽ എത്തിച്ചേരും.ക്രിസ്മസ്‌,പുതുവൽസര സീസനുകൾ മുതലെടുത്ത് വിമാനക്കമ്പനികൾ പ്രവാസികളെ വൻ നിരക്ക് ഈടാക്കി പിഴിഞ്ഞുകൊണ്ടിരിക്കുമ്പോൾ ഒരു ഭാഗത്തേക്ക് കേവലം 499 റിയാലും റൗണ്ട്‌ ട്രിപ്പിന്‌ 999 റിയാലുമാണ്‌.നികുതി ഉൾപ്പെടെയാണ്‌ ഈ നിരക്കെന്ന് സലീംഖാലിദ് പറഞ്ഞു.30 കിലോ ബാഗേജും 7 കിലോ ഹാന്റ് ബാഗേജും അനുവദിക്കും.5 കിലോ വീതം 30 കിലോ വരെ നേരത്തെ പണമടച്ച് അധികബാഗേജ്‌ കൊണ്ടുപോകാനുള്ള സംവിധാനവുമുണ്ട്.

ണ്ണുരിൽ നിന്ന് രാവിലെ 6.55 ന് പുറപ്പെടുന്ന വിമാനം രാവിലെ 8.55 ന് ദമാമിൽ എത്തിച്ചേരും.പ്രവൃത്തി ദിവസങ്ങളിൽ യാത്രക്കാർക്ക് നേരിട്ട് ഓഫീസിൽ എത്താനുള്ള സാധ്യതകൂടി കണക്കിലെടുത്താണ്‌ ഈ സമയം ക്രമീകരിച്ചിരിക്കുന്നത്. നിലവിൽ അബുദാബി,മസ്ക്കത്ത്‌,കുവൈത്ത്‌, ദുബായ് എന്നിവിടങ്ങളിൽ നിന്ന് ഗോഎയർ കണ്ണൂരിലേക്ക്‌ സർവീസ്‌ നടത്തുന്നുണ്ട്.ദോഹയിൽ നിന്ന് ഉടൻ ആരംഭിക്കുമെന്ന് ജലീൽ ഖാലിദ്‌ പറഞ്ഞു.ദമാമിൽ നിന്ന് ആദ്യമായാണ് ഒരു വിമാനക്കമ്പനി കണ്ണൂരിലേക്ക്‌ നേരിട്ട് സർവീസ്‌ ആരംഭിക്കുന്നത്.കേരളത്തിലെ മറ്റ് വിമാനത്താവളങ്ങളിൽ നിന്ന് കൂടി സർവീസുകൾ ആരംഭിക്കുന്നതിനുള്ള നടപടിക്രമങ്ങൾ പുരോഗമിക്കുകയാണന്നും അദ്ദേഹം പറഞ്ഞു. ഈ മാസം 18 ന് പ്രമുഖരുടെ സാന്നിധ്യത്തിൽ ഔദ്യോഗിക ഉദ്ഘാടന പരിപാടികൾ നടക്കുമെന്നും ബന്ധപ്പെട്ടവർ അറിയിച്ചു.

 

 

 

 

 

 

9 August 2020

Latest News