ഇനി ജപ്തി വാഹങ്ങൾ പ്രതിനിധി വഴി തിരഞ്ഞെടുക്കാൻ അവസരം

ദോഹ:ജപ്തി വാഹനങ്ങൾ പ്രതിനിധികൾ വഴി മെട്രാഷ് 2 വിലൂടെ ഉടമകൾക്ക് തിരികെ എടുക്കാൻ ആഭ്യന്തര മന്ത്രാലയത്തിന്റെ ഇ-സേവനമായ മെട്രാഷ് 2 വിലൂടെ പുതിയ അവസരം ഒരുക്കുന്നു.മെട്രാഷ് 2 വിൽ വാഹന ഉടമ തന്റെ പ്രതിനിധിയുടെ ഖത്തർ ഐഡി നമ്പർ ഉൾപ്പെടെയുള്ള വിവരങ്ങൾ നൽകണം.അതിന് ശേഷം പ്രതിനിധിയെ വിട്ട് അധികൃതരുടെ പക്കൽ നിന്ന് വാഹനം തിരിച്ചെടുക്കാവുന്നതാണ്.നേരിട്ട് പോയി വാഹനം എടുക്കാൻ സമയക്കുറവ് നേരിടുന്ന വാഹന ഉടമകൾക്ക് പ്രതിനിധിയെ ചുമതലപ്പെടുത്തി ജപ്തി വാഹനം തിരിച്ചെടുക്കാൻ കഴിയുമെന്നത് ഏറെ ഗുണകരമാണ്.മെട്രാഷ് 2 വിൽ പ്രവേശിച്ച ശേഷം ട്രാഫിക് സർവീസ് ക്ലിക്ക് ചെയ്ത് അതിൽ വെഹിക്കിൾ സർവീസ് തിരഞ്ഞെടുക്കണം.ഇതിൽ വാഹനം തിരിച്ചെടുക്കാൻ ഉടമ അയക്കുന്ന വ്യക്തിയുടെ വ്യക്തിഗത വിവരങ്ങൾ നൽകണം.അതിന് ശേഷം പ്രതിനിധി വഴി ഉടമയ്ക്ക് അധികൃതരിൽ നിന്ന് വാഹനം തിരിച്ചെടുക്കാവുന്നതാണ്.
സ്‌പോൺസർ മാറ്റത്തിന്റെ സർട്ടിഫിക്കറ്റ്,തീയതിയിൽ മാറ്റം വരുത്താനുള്ള ആദ്യ നടപടികൾ,തൊഴിൽ വീസ വിതരണം,വ്യക്തിഗത വീസയിലെ വിവരങ്ങൾ പുതുക്കൽ,വാഹന ലോൺ ട്രാൻസ്ഫർ,ഗതാഗത ലംഘനം റിപ്പോർട്ട് ചെയ്യൽ,ലൈസൻസ് ടെസ്റ്റിനുള്ള അപ്പോയ്മെന്റ് സുരക്ഷാ പെർമിറ്റ് തുടങ്ങിയവയാണ് ഇ-സേവന പോർട്ടലായ മെട്രാഷ് 2 വിൽ ഉൾപ്പെടുത്തിയിരിക്കുന്ന പുതിയ സേവനങ്ങൾ.200 ലധികം സേവനങ്ങളാണ് മെട്രാഷ് 2വിലൂടെ നൽകുന്നത്.റഡാർ,സുരക്ഷാ ക്യാമറകൾ എന്നിവ വഴിയും അധികൃതർ നേരിട്ടും ചുമത്തുന്ന ലംഘനങ്ങളിൽ എതിർപ്പ് രേഖപ്പെടുത്താനും അവസരം ഉണ്ടായിരിക്കും. മറ്റുള്ളവരുടെ ഗതാഗത ലംഘനങ്ങൾ അധികൃതരെ അറിയിക്കാനുള്ള അവസരവും മെട്രാഷ് 2 വിലൂടെ ലഭ്യമാണ്.

2 December 2023