പ്രവാസികളുടെ പ്രിയങ്കരി സുഷമ

ദുബായ്:എല്ലാ അർത്ഥത്തിലും പ്രവാസികളുടെ പ്രിയങ്കരിയായ വിദേശകാര്യമന്ത്രിയായിരുന്നു സുഷമാ സ്വരാജ്.ഒരു ട്വിറ്റെർ സന്ദേശം പോലും നടപടിയെടുക്കാനുള്ള നിവേദനമായാണ് അവർ സ്വീകരിച്ചിരുന്നത്.ലോക നേതാക്കാളെല്ലാം അവരെ അത്രയേറെ ആദരവോടെയാണ് എതിരേറ്റിരുന്നതും.വിദേശകാര്യ വകുപ്പിന്റെ ചുമതല ഏറ്റെടുത്ത സുഷമാ സ്വരാജ് പ്രവാസികളുടെ വിഷയങ്ങൾ കൈകാര്യം ചെയ്‌തുകൊണ്ട് പ്രവാസികളെ ഒന്നടങ്കം കയ്യിലെടുക്കുകയായിരുന്നു.

പ്രവാസികളുടെ പ്രത്യേകിച്ച് ഗൾഫ്-അറബ്  രാജ്യങ്ങളിലുള്ളവരുടെ പ്രയാസങ്ങളും പ്രശ്നങ്ങളും അവർ ഏറെ താല്പര്യത്തോടെയാണ് കൈകാര്യം ചെയ്തിരുന്നത്.അസുഖബാധിതയായ സമയത്തുള്ള കുറച്ചു മാസങ്ങൾ മാറ്റിനിർത്തിയാൽ മിക്കവാറും എല്ലാ രാജ്യങ്ങളിലുമെത്തി ഇന്ത്യയുടെ വിദേശകാര്യ നയതന്ത്ര ബന്ധങ്ങൾ മെച്ചപ്പെടുത്താനുള്ള ചർച്ചകളിൽ പങ്കെടുക്കാനും പ്രവാസികളുടെ പ്രശ്നങ്ങൾ കേട്ട് അതിനുള്ള പരിഹാരം കണ്ടെത്താനും അവർ സമയം കണ്ടെത്തിയിരുന്നു.അത്രത്തോളം എല്ലാവരുടയും ഹൃദയങ്ങളെ കീഴടക്കാൻ സുഷമാ സ്വരാജിന് കഴിഞ്ഞിരുന്നു.

4 April 2025