ഇന്ത്യയുടെ സ്വാതന്ത്ര്യം നിലനിര്‍ത്താന്‍ ജനങ്ങള്‍ ബാധ്യസ്ഥര്‍

Repoter: ജോമോൻ കുരിശിങ്കൽ

മനാമ: ഇന്ത്യ നേടിയ സ്വാതന്ത്ര്യം നിലനിര്‍ത്തുന്നതിന് രാജ്യത്തെ മുഴുവന്‍ ജനങ്ങള്‍ക്കും ബാധ്യതയുണ്ടെന്ന് ഫ്രൻറ്സ് സോഷ്യല്‍ അസോസിയേഷന്‍ വ്യക്തമാക്കി. ഏഴ് പതിറ്റാണ്ട് മുമ്പ് നമ്മുടെ പൂര്‍വീകര്‍ ജീവന്‍ വരെ നല്‍കി നേടിയെടുത്ത ഇന്ത്യയുടെ സ്വാതന്ത്ര്യം എല്ലാ വിധ ഭീഷണികളില്‍ നിന്നും സംരക്ഷിക്കുന്നതിനും സുരക്ഷയോടെ എല്ലാവര്‍ക്കും തങ്ങളുടെ രാജ്യത്ത് ജീവിക്കുന്നതിനുള്ള സാഹചര്യം സൃഷ്ടിക്കേണ്ടതുണ്ടെന്നും പ്രസ്താവനയില്‍ വ്യക്തമാക്കി. ജനാധിപത്യവും മതേതരത്വവും നാനാത്വത്തില്‍ ഏകത്വവും ഇന്ത്യയുടെ ആത്മാവാണെന്നും ഭരണഘടന വിഭാവന ചെയ്യുന്ന അവകാശങ്ങള്‍ മുഴുവന്‍ ജനങ്ങള്‍ക്കും ലഭ്യമാക്കുന്നതിന് കുറേക്കൂടി ആത്മാര്‍ഥമായ ശ്രമങ്ങള്‍ അനിവാര്യമാണെന്നും പ്രസ്താവനയില്‍ ചൂണ്ടിക്കാട്ടി. മത-^ജാതി-^വര്‍ഗ^-വര്‍ണ^ഭാഷാ വിവേചനങ്ങള്‍ക്കതീതമായി ഇന്ത്യക്കാര്‍ ഒന്നെന്ന വികാരം വളര്‍ത്തിയെടുക്കാന്‍ ശ്രമിക്കേണ്ടതുണ്ട്. ഇന്ത്യയിലെ ഭരണാധികാരികള്‍ക്കും രാജ്യത്തിനകത്തും പുറത്തുമുള്ള മുഴുവന്‍ ഇന്ത്യക്കാര്‍ക്കും സ്വാതന്ത്ര്യ ദിനാശംസകള്‍ നേരുകയും ചെയ്തു. 

5 April 2025