കോവിഡ് രോഗം ബാധിച്ച് ബഹറിനിൽ മരണപ്പെടുന്ന  നിർധനരായ മലയാളികൾക്ക് ബഹറിൻ കേരളീയ സമാജം പ്രഖ്യാപിച്ച ധനസഹായം എം.പി. രാജൻ്റെ കുടുംബത്തിന് കൈമാറി.ബഹറിൻ കേരളീയ സമാജം നൽകിയ ഒരു ലക്ഷം രൂപയുടെ ധനസഹായം കല്യാശ്ശേരി എം.എൽ, എ  പരേതൻ്റെ വീട്ടിലെത്തി  നൽകിയതെന്ന് ബഹറിൻ കേരളീയ സമാജം പ്രസിഡണ്ട് പി.വി.രാധാകൃഷ്ണപിള്ള അറിയിച്ചു.ബഹറിനിൽ ജോലി ചെയ്തുവരുന്ന കോവിഡ് രോഗബാധിതരായി മരണപ്പെടുന്ന സഹായത്തിന് അർഹരായ കുടുംബങ്ങൾക്കാണ് ഇതുവരെ സഹായം നൽകിയതെന്നും പി.വി. രാധാകൃഷ്ണപിള്ള അഭിപ്രായപ്പെട്ടു.സുമനസ്സുകളായ വ്യക്തികളുടെ സഹകരണം കൊണ്ടാണ് ഇത്തരത്തിലുള്ള ധനസഹായങ്ങൾ നിർവഹിക്കുന്നതെന്നും സമാജം പ്രസിഡണ്ട് പി വി രാധാകൃഷ്ണപിള്ളയും ജനറൽ സെക്രട്ടറി വർഗ്ഗീസ് കാരക്കലും സംയുക്ത വാർത്താക്കുറിപ്പിൽ അറിയിച്ചു.