ദുബായിൽ കനത്ത മഴ;പ്രതികൂല കാലാവസ്ഥയെ തുടർന്ന് ഗതാഗതം തടസ്സപ്പെട്ടു

ദുബായ്:കനത്തമഴയെത്തുടർന്നുണ്ടായ പ്രതികൂല കാലാവസ്ഥ ദുബായ് അന്താരാഷ്ട്ര വിമാനത്താവളത്തിന്റെ പ്രവർത്തനത്തെയും തടസ്സപ്പെടുത്തി.റോഡുകളിലെ ഗതാഗതതടസ്സം മൂലം വിമാനത്താവളത്തിലേക്ക് പുറപ്പെട്ട പലർക്കും നേരത്തിന് എത്തിച്ചേരാനായില്ല.കാലാവസ്ഥാ വ്യതിയാനംമൂലം ഷാർജ,ഫുജൈറ എന്നിവിടങ്ങളിലെ ചില പൊതു സ്വകാര്യ സ്കൂളുകൾ പ്രവർത്തനം നിർത്തിവെച്ചു.വിദ്യാർഥികളെ നേരത്തെ വിട്ടു.കാലാവസ്ഥ പ്രതികൂലമായതിനാൽ സ്കൂളുകൾക്ക് അവധി നൽകാൻ നേരത്തെതന്നെ വിദ്യാഭ്യാസ മന്ത്രാലയത്തിന്റെ നിർദേശമുണ്ട്.വെള്ളക്കെട്ടുകളുള്ള റോഡുകളിലെ ഗതാഗതക്കുരുക്കിൽ അകപ്പെടാതിരിക്കാൻ വിദ്യാർഥികൾക്കും ജീവനക്കാർക്കും നേരത്തെ പുറപ്പെടാവുന്നതാണ്.കാലാവസ്ഥാ വ്യതിയാനം ചില വിമാനങ്ങളുടെ പ്രവർത്തനത്തെ ബാധിക്കുമെന്ന് ദുബായ് എയർപോർട്ട് അധികൃതർ ഓൺലൈൻ വഴി അറിയിപ്പുനൽകിയിരുന്നു.വിശദവിവരങ്ങൾക്കായി എയർലൈൻ വെബ്‌സൈറ്റ് തുടർച്ചയായി പരിശോധിക്കാനും യാത്രക്കാർക്ക് നിർദേശം നൽകി.

19 April 2024